1 TIMOTHI 5:22 - Khasi CL Bible (BSI)

²² To wat leh kyrkieh ha kaba buh ïa ki kti halor jongno jongno ban pynkyntang ïa u sha ka kam U Trai. To wat ïadon bynta ha ki pop jong kiwei; to ri ïa lade uba sngur.

KA BAIBL

²² Me, wat buh kyrkieh ïa la ki kti hano hano ruh em; lymne wat ïakit pop lem bad kiwei ki briew: to ri ïa lade uba sngur.

1 TIMOTHI 5:22 ပူးပေါင်းရင်းမြစ်များ

SALM 50:18

Phi long u paralok jong uwei pa uwei u nongtuh ba phi ïohi bad phi ïadon bynta bad kiba klim.

KI KAM 13:3

Ki la shahjingit bad ki la duwai, ki la buh ïa la ki kti halor jong ki, bad ki la phah noh ïa ki.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

KI KAM 20:26

Kumta nga pynbna skhem ha phi ha kane hi ka sngi: Lada uno uno na phi u dei ban jot noh, ngam don ka jingkitkhlieh.

KI KAM 6:6

Ka kynhun ka la aiti ïa ki ha ki apostol, kiba la duwai bad buh ïa la ki kti halor jong ki.

EPHESOS 5:11

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.

1 TIMOTHI 3:10

Dei ban da tynjuh shuwa ïa ki, bad nangta, lada ki la biang, kin trei ïa ka kam.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

1 TIMOTHI 4:12

Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

2 TIMOTHI 1:6

Na kane ka daw nga pynkynmaw ïa me ban ïai pynrhem ïa kata ka jingai kaba U Blei u la ai ha me mynba la buh ïa ki kti jong nga ha me.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

HEBRU 6:2

ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

JOSHUA 9:14

Ki Israel ki la pdiang katto katne ka jingbam na ki, hynrei kim shym kynjoh ktien na U Trai shaphang kata.

2 ÏOANNIS 1:11

Naba uno uno uba ai khublei da ka jingsuk, u kylla long uba ïatreilang ha ki kam sniew ba u leh.

JINGPYNPAW 18:4

Nangta nga la ïohsngew ïa kawei pat ka sur na bneng, ka da ong, “To mihnoh, ko ki briew jong nga! To mihnoh na ka! Phim dei ban ïashim bynta ha ki pop jong ka; phim dei ban ïoh bynta ha ka jingshah pynshitom jong ka!