1 TIMOTHI 5:17 - Khasi CL Bible (BSI)

¹⁷ Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

KA BAIBL

¹⁷ Kita ki tymmen basan kiba la synshar bha to ai ba yn ñiew ïa ki kiba dei ban ïoh ar shah ka burom, kham tam kita kiba trei minot ha ka ktien bad ha ka jinghikai.

1 TIMOTHI 5:17 ပူးပေါင်းရင်းမြစ်များ

2 SYIEM 2:9

Hangta, u Elijah u ong ha u Elisha, “To ong ha nga kaei me kwah ïa nga ban leh na ka bynta jong me ha shuwa ba yn shim noh ïa nga.” “Ai ngan ïohpdiang ïa ka bhah jong ka bor jong phi ka ban pynlong ïa nga u nongmih bujli jong phi,” u Elisha u jubab.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 17:18

To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

JINGKHEIÑ 18:31

Ma phi bad ki ba-ha-ïing ha-sem jong phi, phi lah ban bam ïa kata kaba dang sah ha kano kano ka jaka, namar ka long ka bainong ïa ka jingshakri jong phi ha ka Ïingjaiñ.

MATHAÏOS 24:25

To shahshkor! nga la ïathuh ha phi ïa kane ha shuwa ba ka por kan poi.

LOUKAS 10:7

Sah ha kata kajuh ka ïing, bam bad dih ïa kano kano kaba ki ai ïa phi, naba u nongtrei u dei ban ïoh ïa ka bainong jong u. Wat leit sawdong na kawei ka ïing sha kawei pat.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

ÏOANNIS 4:38

Nga la phah ïa phi ban ot ha kata ka lyngkha kaba phim shym la trei; kiwei ki la trei hangta, bad phi ïoh jingmyntoi na ka jingtrei jong ki.”

KI KAM 11:30

Te ki la leh ïa kane, bad ki la phah ïa ka pisa sha ki tymmen basan jong ka balang lyngba u Barnabas bad u Saul.

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

KI KAM 28:10

Ki la ai ïa ngi shibun ki jingai sngewbha, bad haba ngi la kiew ha ka lieng, ki la buh ha ka ïa kiei kiei kiba ngi donkam na ka bynta ka jingleit.

Ka Shithi U Paul Sha Ki Nong Rom 12:8

lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

Ka Shithi U Paul Sha Ki Nong Rom 15:27

Kata ka jingïakut ka la long ka jong ki hi; hynrei ha ka jingshisha, ki la don ïa ka jingsngew kit ram ban ïarap ïa ki. Namar ki Jiw ki la ïasam bynta lem ïa ki jingkyrkhu ba kynja mynsiem jong ki bad ki Jentil, ki Jentil ki dei ban pyndonkam ïa ki jingkyrkhu ba ki don ban ïarap ïa ki Jiw.

Ka Shithi U Paul Sha Ki Nong Rom 16:12

Ki jingkhublei jong nga ïa ka Truphina bad ka Truphosa, kiba trei ha ka kam U Trai bad ïa ka paralok ba-ieit jong nga, ka Persis, kaba la trei shibun ka kam na ka bynta U Trai.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

1 KORINTH 16:16

Nga kyrpad ïa phi, ko ki parabangeit jong nga, ban bud ïa ka jingïalam jong kiba kum kita ki briew, bad uno uno de uba trei bad shakri lang bad ki.

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 6:6

U briew uba la shah hikai ha ka jinghikai khristan u dei ban ïasam ïa kiei kiei kiba bha baroh kiba u don bad u nonghikai jong u.

DEUTERONOMI 18:8

U dei ban ïoh bynta mar katjuh ka jingbam kumba long kiwei pat ki lyngdoh, bad u lah ban buh ïa kano kano kaba ki ba-ha-ïing ha-sem jong u ki phah sha u.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

PHILIPPI 2:29

To pdiang ïa u, te, da ka jingkmen, kum u para ha U Trai. To phin ñiewburom ïa kiba kum kita ki briew kum ma u,

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

1 TIMOTHI 3:5

Naba lada u briew um nang kumno ban pynïaid ïa la ka jong ka longïing, kumno u lah ban sumar ïa ka balang U Blei?

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

1 TIMOTHI 5:19

To wat pynshahshkor ïa ka jingmudui pyrshah ïa u nongsharai balang lymda la wanrah da ki ar ngut ne bun ngut ki sakhi.

1 TIMOTHI 5:3

To burom ïa ki riewkynthei kiba long tang marwei da shisha.

2 TIMOTHI 2:6

U nongrep uba la trei shitom u dei ban ïoh ïa ka bynta kaba nyngkong na ka jingot.

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

HEBRU 13:24

To ai ki jingkhublei jong ngi sha baroh ki nongïalam jong phi bad sha ki briew jong U Blei baroh. Ki parabangeit jong ngi na Italy ki phah ki jingkhublei jong ki ïa phi.

HEBRU 13:7

To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.