1 TIMOTHI 5:10 - Khasi CL Bible (BSI)

¹⁰ Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

KA BAIBL

¹⁰ ïa kaba la phla babha shaphang ki jingleh babha; lada ka la ri khun, lada ka la khot basa ïa ki nongwei, lada ka la sait ïa ki kjat ki riewkhuid, lada ka la ïarap ïa kiba shipa, lada ka la ïaibeh biang ïa ka jingleh babha baroh.

1 TIMOTHI 5:10 ပူးပေါင်းရင်းမြစ်များ

JENESIS 18:4

Shah ngan wanrah khyndiat ka um ba phin ïoh sait ïa ki kjat jong phi; phi lah ban shong jahthait ha trai jong une u dieng.

JENESIS 19:2

U dem ngon ha khmat jong ki, bad u ong, “Ko rangbah, nga don hangne ban shakri ïa phi. Sngewbha wan sha ïing jong nga. Phi lah ban sait ïa la ki kjat, bad ban sahmiet ruh. Lashai phi lah ban khie dang step, bad bteng ïa la ka jingleit.” Hynrei ki jubab, “Em, ngin sahmiet hangne ha ka jaka bakylluid jong ka nongbah.”

JENESIS 24:32

Kumta uta u briew u leit rung sha kata ka ïing, bad u Laban u pynhiar ïa ki jingkit na kita ki ut bad u la ai phlangïap bad jingbam ïa ki. Nangta u la wanrah um ïa u shakri jong u Abraham bad ïa ki nongbud jong u ba kin sait ïa la ki kjat.

JENESIS 43:24

Uta u shakri u ïalam ïa kita shi para shapoh ka ïing. U ai um ïa ki ba kin sait ïa la ki kjat, bad u ai bam ïa ki kada jong ki.

SALM 119:4

A Trai me la ai ha ngi ïa ki aiñ jong me bad me la ong ïa ngi ban kohnguh biang biang ïa ki.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

LEBITIKOS 25:35

Lada uno uno u para Israel uba shong marjan bad phi u kylla duk bad um lah shuh ban kyrshan hi ïa lade, phi dei ban ïarap ïa u kumba phi leh ïa u nongtrei, khnang ba u lah ban ïailong u paramarjan jong phi.

MATHAÏOS 25:17

Ha kajuh ka rukom u shakri uba la ïohpdiang ar hajar tylli ki sbai u la ïohnong sa ar hajar.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

LOUKAS 7:38

bad ka la ïeng hadien jong U Jisu, hajan ki kjat jong u, ka da ïam bad ka da pynjhieh ïa ki kjat jong u da ki ummat jong ka. Nangta ka la ñiad pynrkhiang ïa ki kjat jong u da u shñiuh jong ka, ka la doh ïa ki, bad ka la theh ïa ka jingsleh ba-iwbih halor jong ki.

LOUKAS 7:44

Nangta u la phai sha kata ka briew bad u la ong ha u Simon, “Me ïohi ïa kane ka briew? Nga la wan shapoh ka ïing jong me, bad mem shym la ai um ïa nga na ka bynta ki kjat jong nga, hynrei ka la sait ïa ki kjat jong nga da ki ummat jong ka bad ka la ñiad rkhiang ïa ki da u shñiuh jong ka.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 22:12

“Ha kata ka nongbah la don u briew uba kyrteng u Ananias, u briew uba riewblei uba la kohnguh ïa ka Hukum jong ngi bad ïa uba la ñiewburom shikatdei eh da ki Jiw baroh kiba shong basah hangta.

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 3:7

U dei ban long u briew ïa uba la ñiewburom da ki briew kiba shabar ka balang, khnang ba un ym jahburom bad hap ha ka jingriam u Ksuid.

1 TIMOTHI 5:16

Hynrei lada kano kano ka parabangeit ka don ki riewkynthei ha ka longïing jong ka, ka dei ban sumar ïa ki bad ban ym bankhia ïa ka balang, khnang ba ka lah ban sumar ïa ki riewkynthei kiba long marwei.

1 TIMOTHI 5:25

Ha kajuh ka rukom ki kam babha ki paw shai kdar, bad wat ïa kito ki bym da paw shai ym lah ban buhrieh.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

2 TIMOTHI 1:5

Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

2 TIMOTHI 2:21

Lada uno uno u pynkhuid ïa lade na kiei kiei baroh kiba sniew, yn pyndonkam ïa ki na ka bynta ki jingthmu kiba kyrpang, namar la pynkyntang ïa ki bad ki long kiba myntoi ïa u Kynrad jong ki, kin long kiba bit ïa ka ban pyndonkam na ka bynta ka kam babha baroh.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

2 TIMOTHI 3:17

khnang ba u briew uba shakri ïa U Blei un lah ban long uba bit pura bad uba la biang bha ban leh ïa baroh ki jait kam kiba bha baroh.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

TITOS 3:1

To pynkynmaw ïa la ki briew ban pyndem ha ki nongsynshar bad ki bor synshar, ban kohnguh ïa ki, bad ban long kiba kloi ban leh ïa kaba bha da ki lad baroh.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 10:24

To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.

3 ÏOANNIS 1:12

Baroh ki kren bha shaphang u Demetrios; ka jingshisha hi ruh ka kren bha shaphang u. Bad ngi pyndap shuh da ka jingphla jong ngi, bad phi tip ba kaei kaba ngi ong ka long kaba shisha.