1 TIMOTHI 5:1 - Khasi CL Bible (BSI)

^1-2 To wat sneng ïa uba la kham rangbah, hynrei to kyrpad ha u kum la u kpa. To ñiew ïa kiba kham samla kum la ki para, ïa ki kynthei kiba la kham ïaw kum ki kmie, bad ïa ki kynthei kiba kham samla kum ki para, da ka jingsngur mynsiem baroh.

KA BAIBL

¹ To wat sneng eh ïa uba kham tymmen, hynrei, men kyntu ïa u, kum ïa u kpa; bad ïa kita kiba kham samla, kum ïa ki para keiñ,

1 TIMOTHI 5:1 ပူးပေါင်းရင်းမြစ်များ

LEBITIKOS 19:32

“Pyni burom ïa ki briew ba la tymmen bad ai burom ïa ki. Da kaba tiengburom kohnguh ïa nga; Nga long U Trai.

MATHAÏOS 23:8

Ïa phi ym dei ban khot ‘ko Nonghikai,’ namar ba phi baroh phi ïalong mar ryngkat bad don tang uwei U Nonghikai.

KI KAM 14:23

Ha kawei pa kawei ka balang ki la thung ïa ki nongsharai balang, bad da ki jingduwai bad ka jingshah jingit ki la aiti ïa ki sha U Trai, ha uba ki la buh ïa la ka jingshaniah.

KI KAM 15:4

Haba ki la poi ha Jerusalem, la pdiang sngewbha ïa ki da ka balang, da ki apostol bad ki nongsharai balang, ha kiba ki la ïathuh ïa baroh kaba U Blei u la leh lyngba jong ki.

KI KAM 15:6

Ki apostol bad ki nongsharai balang ki la ïakynduh lang ban pyrkhat ïa kane ka jingkylli.

KI KAM 20:17

Na Miletos u Paul u la phah khubor sha Ephesos, da kaba kyrpad ïa ki nongsharai balang, ban ïakynduh ïa u.

Ka Shithi U Paul Sha Ki Nong Rom 13:7

To siew te, kaei kaba phi dei ban siew ïa ki; to siew sha ki ïa ki khajna shimet bad kiba dei ïa ki jingdon jingem jong phi, bad to pyn-i ka jingburom bad to ai ka burom ïa ki baroh.

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

TITOS 2:2

Hikai ïa kiba la kham rangbah ba kin long kiba adkar, kiba tipbriew bad kiba synshar ïa lade; kiba skhem ha ka jingngeit, ka jingieit bad ka jingïaishah jong ki.

TITOS 2:6

Kumjuh ruh ïa ki shynrang ba dang kham samla to kyntu jur ïa ki ban synshar bha ïa lade.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

JAKOB 5:14

Hato don uno uno uba pang? U dei ban phah khot ïa ki nongsharai balang, ki ban duwai na ka bynta jong u bad pynsleh ha u da ka umphniang Olib ha ka kyrteng jong U Trai.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

2 ÏOANNIS 1:1

Na u Nongsharai Balang — Sha ka Kynthei badonburom bad sha ki khun jong ka, ïa kiba nga ieit da shisha. Bad ym dei tang ma nga hi, hynrei baroh kiba tip ïa ka jingshisha ki ieit ïa phi,

3 ÏOANNIS 1:1

Na u Nongsharai Balang — Ha u Gaïos ba-ieit jong nga, ïa uba nga ieit da shisha.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.