1 TIMOTHI 4:8 - Khasi CL Bible (BSI)

⁸ Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

KA BAIBL

⁸ Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.

1 TIMOTHI 4:8 ပူးပေါင်းရင်းမြစ်များ

Ka Kitab U Job 36:11

Lada ki kohnguh ïa U Blei bad shakri ïa u, kin pynleit ïa ka jingim jong ki ha ka jingsuk bad ka jingmanbha.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SALM 37:11

Kiba jemnud kin ïohkynti ïa ka ri, bad kin lehkmen ha ka jingdap kyrhai bad ka jingsuk.

SALM 37:29

Kiba hok kin ïohkynti ïa ka ri bad kin shong kin sah ha ka junom.

SALM 37:9

Kito kiba shaniah ha U Trai kin ïohkynti ïa ka ri; hynrei ki bymman kin shah beh noh.

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

PROBERB 19:23

Kohnguh ïa U Trai bad phin ïoh im slem, uba sngewhun bad uba shongshngain na ka jingma.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

ISAÏAH 33:16

Te phin long shngain; phin long skhem kum ka kut bakhlaiñ. Phin don ka jingbam ban bam bad ka um ban dih.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

MARKOS 10:30

Un ïohpdiang shispah shah shuh shuh ki ïing, ki hynmen ki para shynrang ne kynthei, ki kmie, ki khun bad ki lyngkha — bad ki jingshah pynshitom beiñ ruh kumjuh; bad ha ka pateng ka ban sa wan un ïoh ka jingim bymjukut.

LOUKAS 5:38

Pynban, ïa ka waiñ bathymmai dei ban theh ha ki lwa snieh bathymmai!

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 3:22

U Paul, u Apollos, bad u Petros; kane ka pyrthei, ka jingim bad ka jingïap, ka mynta bad ka lawei — baroh kine ki long ki jong phi, bad ma phi, phi long ki jong U Khrist, bad U Khrist u long u jong U Blei.

1 KORINTH 8:8

Pynban, ka jingbam, kan ym lah ban nang pynbha ïa ka jingïadei jong ngi bad U Blei; ngin ym duh ei ei lada ngim bam, lymne ngin ym ïohnong ei ei lada ngi bam.

1 TIMOTHI 4:7

Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

1 TIMOTHI 6:5

Ki pyrkhat ba ka niam ka long ka lynti ban riewspah.

1 TIMOTHI 6:6

Shisha, ka niam kam pynriewspah palat ïa u briew, lada u sngewhun bad kaei kaba u don.

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.