1 TIMOTHI 4:7 - Khasi CL Bible (BSI)

⁷ Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

KA BAIBL

⁷ Hynrei, kyntait ïa kita ki puriskam kai bathala bad babieit; bad to men pynmlien ïa lade sha ka jingriewblei.

1 TIMOTHI 4:7 ပူးပေါင်းရင်းမြစ်များ

KI KAM 24:16

Bad kumta nga ïaleh katba lah ban ïoh ka jingïatiplem kaba khuid kdar ha khmat jong U Blei bad ki briew.

1 TIMOTHI 1:4

Ong ïa ki ban iehnoh ïa kito ki puriskam bad kito ki thup bajrong jong ka jinghiarpateng, kiba pynmih tang ïa ki jingïania; kim ïadei ei ei bad ka jingthmu U Blei, ïa kaba lah ban tip da ka jingngeit.

1 TIMOTHI 1:9

Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

1 TIMOTHI 6:5

Ki pyrkhat ba ka niam ka long ka lynti ban riewspah.

2 TIMOTHI 2:16

To kiar noh na ki jingïakren ba-thala bad ba-bieit, tang ban ïalam ïa ki briew kham jngai na U Blei.

2 TIMOTHI 2:23

Hynrei to kiar noh na ki jingïatainia ba-bieit bad ba khlem jingmut; me tip ba ki kut ha ka jingïakajia.

2 TIMOTHI 3:12

Baroh kiba kwah ban im ïa ka jingim bariewblei ha U Khrist Jisu kin shah pynshitom;

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

2 TIMOTHI 4:4

Kin phai noh na kaba shahshkor ïa ka jingshisha bad kin pynleit jingmut ha ki puriskam kai.

TITOS 1:14

bad ban nym pynshahshkor shuh ha ki khanatang jong ki Jiw bad ha ki hukum briew kiba wan na ki briew kiba la kyntait ïa ka jingshisha.

TITOS 2:12

Ba ka jingaiei ka hikai ïa ngi ban iehnoh ïa ka rukom im bymriewblei bad ïa ki jingkwah brai ba kynja pyrthei, bad ban im da kaba synshar ïa lade, ban im hok, bad ban im riewblei ha kane ka pyrthei,

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

HEBRU 5:14

Ka jingbam kaba eh, ha kawei pat ka liang, ka long ïa kiba la rangbah, kiba lyngba ka jingpynmlien ki lah ban pynïapher ïa kaba bha na kaba sniew.