1 TIMOTHI 4:4 - Khasi CL Bible (BSI)

^4-5 Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.

KA BAIBL

⁴ Naba ka jingthaw U Blei baroh ka long ka babha, bad ym don ei ei ruh kaba yn kyntait noh, lada pdiang ïa ka bad kaba ainguh:

1 TIMOTHI 4:4 ပူးပေါင်းရင်းမြစ်များ

JENESIS 1:31

U Blei u khmih ïa kiei kiei baroh kiba U la lah thaw, bad u la sngewbha eh. Ka janmiet ka la leit bad ka step ka la wan — kata ka la long ka sngi kaba hynriew.

KI KAM 10:15

Kata ka sur ka la kren biang ha u, “Wat ñiew bymkhuid ïa kano kano kaba U Blei u la pynbna ba ka long kaba khuid.”

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

KI KAM 21:25

Hynrei shaphang ki Jentil kiba la long kiba ngeit, ngi la phah ka shithi sha ki da kaba ïathuh ïa ki ba ngi la rai ba kim dei ban bam ïa kano kano ka jingbam ïa kaba la kñia ha ki bleithaw, lane bam ïa kano kano ka snam, lane ïa kano kano ka mrad kaba la khyrwait, bad ba ki dei ban sumar ïa lade na ka jingawria.”

Ka Shithi U Paul Sha Ki Nong Rom 14:14

Ka jingïasoh jong nga bad U Trai Jisu ka pynlong thikna ïa nga ba ym don ka jingbam ha ka hi, kaba long bymkhuid kat kum ka jinglehniam; hynrei lada u briew u ngeit ba katto katne ka jingbam ka long ka bymkhuid, te ka long bymkhuid ïa u.

Ka Shithi U Paul Sha Ki Nong Rom 14:20

To wat pynjot noh ïa kaei kaba U Blei u la leh, na ka daw ka jingbam. Ki jingbam baroh ki long kiba lah ban bam, hynrei ka long ka bym dei ban bam ïa kano kano ka ban pynlong ïano ïano ban hap ha ka pop.

Ka Shithi U Paul Sha Ki Nong Rom 14:6

Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

1 KORINTH 10:23

“Ïa ngi la shah ban leh ïa kaei kaei baroh,” kumta ki ong. Kata ka long kaba shisha, hynrei ym kiei kiei baroh ki long kiba bha. “Ïa ngi la shah ban leh ïa kaei kaei baroh” — hynrei ym baroh ka long kaba myntoi.

1 KORINTH 10:25

Phi long kiba laitluid ban bam ïa kano kano kaba die ha ka ïew die doh, khlem da kylli jingkylli ei ei namar ka jingïatiplem jong phi.

1 KORINTH 10:26

Naba, ka Jingthoh Bakhuid ka ong, “Ka khyndew bad kiei kiei kiba don ha ka ki long ki jong U Trai.”

1 KORINTH 10:30

Lada nga ainguh ïa U Blei na ka bynta ka jingbam jong nga, balei ba uno uno un wohnia ïa nga na ka bynta ka jingbam ïa kaba nga da ainguh?”

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.