1 TIMOTHI 4:3 - Khasi CL Bible (BSI)

³ Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

KA BAIBL

³ kiba adong ban shongkurim, bad kiba hukum ban kyndiah noh na ki jingbam, ïa kiba U Blei u la thaw keiñ ban pdiang ïa ki da kaba ainguh da kita kiba ngeit bad kiba tip ïa ka jingshisha.

1 TIMOTHI 4:3 ပူးပေါင်းရင်းမြစ်များ

JENESIS 9:3

Mynta phi lah ban bam ïa ki, kumjuh ruh ïa ki jingthung bajyrngam; nga ai ïa ki baroh ha phi ban long jingbam.

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

DANIEL 11:37

U syiem un ym suidñiew ïa u blei ba ki kpa tymmen jong u ki la shakri, bad ruh ïa u blei ba ki kynthei ki ieit. Ha ka jingshisha un ym suidñiew ïa uno uno u blei, namar un pyrkhat ba u kham khraw ban ïa uno uno na ki.

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MATHAÏOS 15:11

Kam dei kata kaba rung shapoh ka shyntur jong u briew kaba pynlong ïa u, u bymkhuid kat kum ka lehniam; pynban, dei kaba mih shabar na ka, kaba pynlong ïa u, u bymkhuid.”

MATHAÏOS 15:36

Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

LOUKAS 24:30

U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

KI KAM 27:35

Ynda u la ong ïa kane, u Paul u la shim katto katne u kpu, u la ainguh ïa U Blei ha khmat jong ki baroh, u la kdiah ïa u, bad u la sdang ban bam.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 14:3

U briew uba bam ïa kiei kiei baroh, um dei ban peitbeiñ ïa uta u bym bam; katba uta uba bam tang da ki jhur um dei ban bishar ïa uta uba bam ïa kaei kaei ruh; naba U Blei u la pdiang ïa u.

Ka Shithi U Paul Sha Ki Nong Rom 14:6

Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

1 KORINTH 6:13

Don uwei pat u ban ong, “Ka jingbam ka dei na ka bynta ka kpoh, bad ka kpoh na ka bynta ka jingbam.” Ho-oid, hynrei U Blei un sa pynduh ïa baroh ar. Ïa ka met ym dei ban pyndonkam na ka bynta ka kam awria, hynrei ïa ka ban shakri ïa U Trai; bad U Trai u bsa ïa ka met.

1 KORINTH 7:28

Hynrei lada phin shongkurim ruh, phim shym la leh pop; bad lada ka briew ka bym pat shongkurim ka shongkurim noh, kam shym la leh pop. Hynrei ngan jin da la kwah ban pyllait ïa phi na ki jingeh kiba man ka sngi ïa kiba kita kiba la shongkurim kin don.

1 KORINTH 8:8

Pynban, ka jingbam, kan ym lah ban nang pynbha ïa ka jingïadei jong ngi bad U Blei; ngin ym duh ei ei lada ngim bam, lymne ngin ym ïohnong ei ei lada ngi bam.

KOLOSSAI 2:16

Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.