1 TIMOTHI 4:2 - Khasi CL Bible (BSI)

² Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

KA BAIBL

² da ka jingleh arsap ki briew kiba kren lamler, ba la thang saw ïa ka jingïatiplem jong ki kum da u nar saw;

1 TIMOTHI 4:2 ပူးပေါင်းရင်းမြစ်များ

1 SYIEM 13:18

Te u nongïathuhlypa tymmen uba na Bethel u ong ha u, “Nga ruh nga dei u nongïathuhlypa kum ma phi, bad ha ka hukum jong U Trai, u angel u la ong ïa nga ban ïalam ïa phi sha ïing bad ban ai ïa ka jingpdiang sngewbha ïa phi.” Hynrei u nongïathuhlypa tymmen u lamler.

1 SYIEM 22:22

‘Kumno?’ U Trai u kylli. U mynsiem u jubab, ‘Ngan leit bad pynlong ïa baroh ki nongïathuhlypa u Ahab ban kren lamler. U Trai u ong, leit bad shukor ïa u. Phin sa jop.’ ”

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 23:26

Slem haduh katno kita ki nongïathuhlypa kin ïalam bakla ïa ki briew jong nga da ki jinglamler kiba ki shu thaw?

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

KI KAM 20:30

Ka por kan wan ha kaba katto katne ngut ki briew na ka kynhun jong phi kin ïathuh ki jinglamler ban ïalam noh ïa ki parabangeit ban bud ïa ki.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

EPHESOS 4:19

Ki la duh noh ïa baroh ki jingsngew jong ka jinglehrain; ki pynlapmiet ïa lade ha ki kam thala bad ki leh ïa baroh ki jait kam sniew khlem salia.

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.