1 TIMOTHI 4:16 - Khasi CL Bible (BSI)

¹⁶ To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

KA BAIBL

¹⁶ To sumar shaphang ïa lade, bad ïa la ka jinghikai; to men ïaineh ha kine kiei kiei; namar haba leh ïa kane, men pynim ïa lade bad ïa kita kiba ïohsngew ïa me keiñ.

1 TIMOTHI 4:16 ပူးပေါင်းရင်းမြစ်များ

1 KHRONIKL 28:10

Me dei ban sngewthuh ba U Trai u la jied ïa me ban tei ïa ka Templ bakhuid jong u. Mynta leh ïa kata — bad leh ïa kata da ka jingkut jingmut baskhem.”

2 KHRONIKL 19:6

“Da pyrkhat bha haba phi ai jingrai; phim pyndep ïa ka kam ha ka bor briew, hynrei ha ka bor U Trai, bad u long bad phi haba phi ai ïa ka jingrai.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

KI KAM 6:4

Ma ngi hi, te, ngin ai ïa ka por jong ngi baroh ha ka jingduwai bad ha ka kam ka jingïalap.”

Ka Shithi U Paul Sha Ki Nong Rom 11:14

Lehse, nga lah ban pynlong ïa ki briew jong ka jaitbynriew jong nga hi ban sngewbishni, ba kumta yn lah ban pynim katto katne na ki.

Ka Shithi U Paul Sha Ki Nong Rom 16:17

Nga kyntu ïa phi, ko ki parabangeit jong nga: To da husiar na kito kiba pynlong ki jingïapait bad kiba pynkulmar ïa ka jingngeit jong ki briew bad kiba ïaid pyrshah ïa ka jinghikai kaba phi la ïoh. To kiar na ki!

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

1 KORINTH 9:22

Hapdeng kiba tlot ha ka jingngeit nga long uba tlot kum uwei na ki, khnang ban jop ïa ki. Kumta nga don ka jingïadei ha baroh ïa ki briew baroh, khnang ba nga lah ban pyllait katto katne na ki da ki lad baroh kiba don.

1 KORINTH 9:27

Nga pyneh ïa la ka met da ki jingshahkura bad nga pyndem ïa ka hapoh ka bor synshar lade, ban sumar ïa lade na kaba shah kyntait hadien ba nga la khot ïa kiwei sha ka jingïakhun.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

KOLOSSAI 4:17

Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

1 TIMOTHI 1:3

Nga kwah ïa me ba men sah ha Ephesos, kumba nga la bthah ïa me mynba nga la don ha ka lynti sha Makedonia. Don na ki briew hangta kiba la ai ïa ki jinghikai lamler, bad me dei ban maham ïa ki ban sangeh.

1 TIMOTHI 4:15

To leh minot ha kine kiei kiei bad to aiti ïa lade ha ki, ba baroh kin ïohi ïa ka jingroi jong me.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

2 TIMOTHI 3:14

Hynrei ma me, to ïaineh ha ki jingshisha kiba me la ïoh jinghikai bad kiba me ngeit skhem.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.

TITOS 2:15

Hikai ïa kine kiei kiei bad pyndonkam pura ïa la ka iktiar haba me ai mynsiem bad haba sneng ïa ki nongsngap jong me. Wat ai ïano ïano na ki ban ibeiñ ïa me.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

PHILEMON 1:19

Hangne, ngan thoh ïa kane da ka kti jong nga hi: Ma nga, u Paul, ngan siew pat ïa me (Ha ka jingshisha, ngam dei ban pynkynmaw ïa me, ba me shahram ïa lade hi ha nga.)

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.