1 TIMOTHI 4:12 - Khasi CL Bible (BSI)

¹² Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

KA BAIBL

¹² To wat ai ïano ïano ruh ban ibeiñ ïa ka jinglong samla jong me; hynrei, to men long ka rukom ïa kita kiba ngeit, ha ka ktien, ha ka jinglong jingim, ha ka jingieit, ha ka jingngeit, ha ka jinglong sngur.

1 TIMOTHI 4:12 ပူးပေါင်းရင်းမြစ်များ

SEKHARAÏAH 2:4

Uba nyngkong u la kren ha uta uwei pat, “Khie mareh bad ong ha u samla uba don u ksai thew ba yn sa don bun byllien ki briew bad shibun bah ki jingri ha Jerusalem, ba kan long kaba heh katta katta ban don ki kynroh.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

1 KORINTH 11:1

To pyrthuh bud ïa nga, te, kumba nga ruh nga pyrthuh bud ïa U Khrist.

PHILIPPI 4:8

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

1 THESSALONI 1:6

Phi la pyrthuh bud ïa ngi bad ïa U Trai; wat la phi la shahshitom shikatdei eh, phi la pdiang ïa ka khubor da ka jingkmen kaba wan na U Mynsiem Bakhuid.

1 THESSALONI 2:10

Phi long ki sakhi jong ngi, bad kumta U Blei ruh, ba ka jingleh jong ngi ïa phi kiba ngeit ka long kaba sngur, kaba dei bad kaba khlem jingbakla.

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

2 TIMOTHI 2:15

To leh ïa kaba bha tam ban ïoh ïa ka jingpynksan ba-pura ha khmat U Blei, kum u nongtrei u bymlehraiñ ïa la ka kam, uta uba hikai beit ïa ka khubor jong ka jingshisha U Blei.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

2 TIMOTHI 2:7

To pyrkhat shaphang kaei kaba nga ong, namar U Trai un pynlah ïa me ban shemphang ïa ka baroh.

TITOS 2:15

Hikai ïa kine kiei kiei bad pyndonkam pura ïa la ka iktiar haba me ai mynsiem bad haba sneng ïa ki nongsngap jong me. Wat ai ïano ïano na ki ban ibeiñ ïa me.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

JAKOB 3:13

Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 5:3

Wat pyrshang ban leh trai khlieh halor kito ha kiba la ai ïa phi ban sumar, hynrei to long ka nuksa ïa ka kynhun.