1 TIMOTHI 4:10 - Khasi CL Bible (BSI)

¹⁰ Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

KA BAIBL

¹⁰ Namar na ka bynta kane, ngi trei bad ngi ïaleh, naba ngi la buh ïa la ka jingkyrmen ha U Blei u ba-im, uba long U Nongpynim ïa ki briew baroh, kham tam ïa kita kiba ngeit.

1 TIMOTHI 4:10 ပူးပေါင်းရင်းမြစ်များ

SALM 107:2

To ïai-ong ïa kine ki ktien ha ka jingïaroh ïa U Trai, ma phi baroh ïa kiba u la pynim.

SALM 118:8

Ka kham bha ban shaniah ha U Trai ban ïa kaba shaniah ha u briew.

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

SALM 37:40

U ïarap ïa ki bad u pyllait ïa ki; u pyllait im ïa ki na ki bymman, namar ba ki leit sha u ban ïoh jingïada.

SALM 52:8

Hynrei nga long kum u dieng Olib uba san ha ka ïing U Blei; nga shaniah ha ka jingieit baneh jong u junom la junom.

SALM 84:12

A Trai Badonbor Baroh, katno suk kito kiba shaniah ha me!

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

JEREMAÏAH 17:7

“Hynrei ngan kyrkhu ïa u briew uba buh ïa ka jingshaniah jong u ha nga.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 27:43

U shaniah ha U Blei bad u kam ba u long U Khun U Blei. Kumta, te, to ngin peit lada U Blei u kwah ban pynim ïa u mynta!”

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 4:42

“Ngi ngeit mynta, ym namar kaei kaba pha la ïathuh, hynrei namar ma ngi hi da lade ngi la ïohsngew ïa u, bad ngi tip ba une da shisha u long u Nongpynim jong ka pyrthei.”

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.

1 TIMOTHI 2:3

Kane ka long kaba bha bad kaba pynsngewbha ïa U Blei U Nongpynim jong ngi, namar u kwah ba uwei pa uwei un ïohlait im bad ban ïoh tip ïa ka jingshisha.

1 TIMOTHI 2:6

Kata ka long ka jingpynshisha ha ka Ïa kaba biang kaba U Blei u kwah ba baroh kin ïohlait im, bad na kata ka daw balei ba la phah ïa nga kum u apostol bad u nonghikai ïa ki Jentil, ban pynbna ïa ka khubor jong ka jingngeit bad ka jingshisha. Ngam kren ïa kaba lamler; nga ïathuh ïa ka jingshisha!

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.