1 TIMOTHI 4:1 - Khasi CL Bible (BSI)

¹ U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

KA BAIBL

¹ Hynrei, U Mynsiem u ong shai, ba ha ki Ïa ki bakhatduh, don ki ban hap noh na ka jingngeit; da kaba pynshahshkor ha ki mynsiem bashukor, bad ha ki jinghikai ki ksuid;

1 TIMOTHI 4:1 ပူးပေါင်းရင်းမြစ်များ

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

1 SYIEM 13:18

Te u nongïathuhlypa tymmen uba na Bethel u ong ha u, “Nga ruh nga dei u nongïathuhlypa kum ma phi, bad ha ka hukum jong U Trai, u angel u la ong ïa nga ban ïalam ïa phi sha ïing bad ban ai ïa ka jingpdiang sngewbha ïa phi.” Hynrei u nongïathuhlypa tymmen u lamler.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

JEREMAÏAH 23:26

Slem haduh katno kita ki nongïathuhlypa kin ïalam bakla ïa ki briew jong nga da ki jinglamler kiba ki shu thaw?

JEREMAÏAH 48:47

Hynrei ha ki sngi ki ban wan U Trai un pynlong ïa ka Moab kaba dap kyrhai sa shisien. Kane baroh ka long kaei kaba U Trai u la ong ba kan jia ïa ka Moab.

JEREMAÏAH 49:39

Hynrei hadien ngan pynlong ïa ki briew ka Elam ba kin manbha biang. Ma nga, U Trai, nga la kren.”

ESEKIEL 1:3

Hangta ha Babilonia harud ka wah Khebar, nga la ïohsngew ïa U Trai ba u kren ha nga bad nga la sngew ïa ka bor jong u.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

JINGKHEIÑ 24:14

U Balaam u ong ha u Balak, “Mynta ngan leit phai pat sha la ki briew, hynrei shuwa ba ngan mih, nga maham lypa ïa phi aïu ki Israel kin leh ïa ki briew jong phi hadien habud.”

MATHAÏOS 18:7

A katno kaba shyrkhei kan long ïa ka pyrthei ha kaba don kiei kiei kiba pynlong ïa ki briew ban duh noh ïa ka jingngeit jong ki! Kiba kum kine kiei kiei kin ïai jia — hynrei katno kaba shyrkhei ïa uta u briew uba pynjia ïa ki!

LOUKAS 17:1

U Jisu u la ong ha la ki synran, “Kiei kiei kiba pynlong ïa ki briew ban hap ha ka pop ki dei ban jia, hynrei katno ka long kaba shyrkhei ïa uta uba pynlong ïa ki ban jia!

ÏOANNIS 16:13

Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

KI KAM 13:2

Katba ki dang ïashakri ïa U Trai bad shahjingit, U Mynsiem Bakhuid u la ong ha ki, “Pynkyrpang na ka bynta jong nga ïa u Barnabas bad u Saul, ban trei ïa ka kam sha kaba nga la khot ïa ki.”

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 20:23

Kaba nga tip ka long ba ha kawei pa kawei ka nongbah U Mynsiem Bakhuid u la maham ïa nga ba ka byndi bad ki jingjynjar ki ap ïa nga.

KI KAM 21:11

U la wan sha ngi, u la shim ïa u panpoh jong u Paul, u la teh ïa la ki kti bad ki kjat da uta, bad u la ong, “Kane ka long kaei kaba U Mynsiem Bakhuid u ong: Ïa u trai jong une u panpoh yn teh ha kane ka rukom da ki Jiw ha Jerusalem, bad kin sa aiti ïa u ha ki Jentil.”

KI KAM 28:25

Kumta ki la leit noh, da ka jingbymïasngewthuh jingmut para ma ki, hadien ba u Paul u la lah ong ïa kane kawei: “Katno kaba dei ba U Mynsiem Bakhuid u la kren ha ki kpa tymmen jong ngi lyngba u Isaïah u nongïathuhlypa!

1 KORINTH 10:20

Em! Kaei kaba nga ong ka long ba ïa kaei kaba la kñia ha ki duwan jong ki bymngeit ka long kaba la kñia sha ki ksuid, ym sha U Blei. Bad ngam kwah ïa phi ban long kiba ïatrei lem bad ki ksuid.

1 KORINTH 11:19

(Khlem artatien ka don ka jingïapait hapdeng jong phi khnang ba yn ithuh shai ïa kita kiba leh ïa kaba dei.)

1 KORINTH 12:11

Hynrei dei tang uwei bad ujuh hi U Mynsiem uba leh ïa kane baroh; ha ka mon jong u, u ai ïa ka jingai bapher ha uwei pa uwei.

1 KORINTH 2:10

Hynrei, dei ha ngi ba U Blei u la pynpaw ïa kaba u la buhrieh, da U Mynsiem jong u. U Mynsiem u ïit ïa kiei kiei baroh, wat ïa ki jingjylliew ba la buhrieh jong ki jingthmu U Blei.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.

DEUTERONOMI 4:30

Ynda phi don ha ka jynjar, bad kita kiei kiei baroh ki wan jia ha phi, te ha kaba khatduh phin phai sha U Trai bad kohnguh ïa u.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

2 TIMOTHI 4:4

Kin phai noh na kaba shahshkor ïa ka jingshisha bad kin pynleit jingmut ha ki puriskam kai.

JAKOB 3:15

Kaba kum kata ka jingstad kam long kaba wan hiar na bneng; ka long jong ka pyrthei, kam long kaba kynja mynsiem bad ka long kaba kynja ksuid.

1 PETROS 1:20

La jied ïa u da U Blei ha shuwa ka jingpynlong ïa ka pyrthei bad la pynpaw ha kine ki sngi kiba khatduh na ka bynta jong phi.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 18:23

Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.

JINGPYNPAW 3:13

“Te lada pha don ki shkor, shahshkor ïa kaei kaba U Mynsiem u ong ïa ki balang!

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”

JINGPYNPAW 3:6

“Te lada pha don ki shkor, shahshkor ïa kaei kaba U Mynsiem u ong ha ki balang!

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.