1 TIMOTHI 3:6 - Khasi CL Bible (BSI)

⁶ U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

KA BAIBL

⁶ ym u synran ba dang shibit, ïoh ba ynda u la sngewmeng, un hap sha ka jingpynrem jong u Soitan.

1 TIMOTHI 3:6 ပူးပေါင်းရင်းမြစ်များ

2 SYIEM 14:10

Mynta ko Amasaïah, me la jop ïa ki Edom, bad me dap da ka jingsarong. To sngewhun bad la ka nam bad shong khop ha ïing. Balei me pynkynroi jingkulmar ka ban wanrah tang ïa ka jingpynjot ha me bad ha ki briew jong me?”

2 KHRONIKL 26:16

Hynrei haba u syiem Ussaïah u la kylla long uba khlaiñbor, u la sngewmeng noh pynban, bad kata ka ïalam sha ka jingkhyllem noh jong u. U ïaleh pyrshah ïa U Trai U Blei jong u da kaba u leit rung sha ka Templ ban thang jingiwbih ha ka duwan thang jingiwbih.

2 KHRONIKL 32:25

Hynrei u Hesekaïah u sngewsarong palat ban pynpaw ïa ka jingsngewnguh ïa kaei kaba U Trai u la leh namar jong u, bad ka Judah bad ka Jerusalem ki mad jingjynjar na kata.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.

1 KORINTH 3:1

Kumba ka dei ban long, ko ki parabangeit jong nga, ngam shym lah ban kren ha phi kumba nga kren ha ki briew kiba don U Mynsiem; nga hap ban kren ha phi la kumba phi dei ki jong kane ka pyrthei, kum kiba dang khynnah ha ka jingngeit Khristan.

1 KORINTH 8:1

Mynta, shaphang kaei kaba phi la thoh ïa ka jingbam ba la kñia sha ki bleithaw. Ka long kaba shisha, te, ba “ma ngi baroh ngi don ka jingtip,” kumba ki ong. Pynban, kum kata ka jingtip, ka pynmeng ïa u briew da ka jingsarong; hynrei ka jingieit ka tei keiñ.

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

DEUTERONOMI 17:20

Da kumta un ym sngew ba u kham halor ban ïa la ki para Israel bad un ym lyndet da kumno kumno ruh ïa ki hukum U Trai. Te un synshar bun snem, bad ki khun ki ksiew jong u ruh kin ïoh synshar bun pateng ha Israel.

DEUTERONOMI 8:14

kynmaw ban ym sngewsarong bad ban ym klet ïa U Trai U Blei jong phi uba la pyllait ïa phi na ka ri Ijipt ha kaba phi la long ki mraw.

1 TIMOTHI 3:7

U dei ban long u briew ïa uba la ñiewburom da ki briew kiba shabar ka balang, khnang ba un ym jahburom bad hap ha ka jingriam u Ksuid.

1 TIMOTHI 6:4

U don ka jingkwah kaba sniew ban ïoh ïasaidnia bad ïakajia shaphang ki ktien, bad kane ka wanrah ïa ka jingpihuiñ, ka jingïania, ka jingkrenbeiñ, ka jingsuba sniew, bad ka jingïai-ïasaidnia na ki briew kiba ki jingmut jong ki kim treikam bad ki bym don shuh ïa ka jingshisha.

2 TIMOTHI 3:4

kin long kiba shetkylla, kiba leh thurmur, bad kiba hangamei; kin ieit ïa ka jingsngewbha ban ïa U Blei;

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

2 PETROS 2:4

U Blei um shym la shah jem ïa ki angel kiba la leh pop, hynrei u la bret ïa ki sha dujok, ha kaba la khum kynjri ïa ki ha ka jingdum, da kaba ap ïa ka Sngi ka Jingbishar.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.