1 TIMOTHI 3:15 - Khasi CL Bible (BSI)

¹⁵ Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

KA BAIBL

¹⁵ hynrei, lada nga tud, ba men tip kumno ki briew ki dei ban leh ïa lade ha ka ïing U Blei, kaba long ka balang jong U Blei u ba-im, ka rijied bad ka nongrim ka jingshisha.

1 TIMOTHI 3:15 ပူးပေါင်းရင်းမြစ်များ

1 SYIEM 2:2

“Ka por jong nga ban ïap ka la wan. To long uba sngewskhem bha bad uba kut jingmut skhem, bad leh ïa kaei ba U Trai U Blei jong me u hukum ïa me ban leh.

1 SYIEM 2:4

Lada me kohnguh ïa u, U Trai un bat ïa ka kular kaba u la pynlong haba u ong ïa me ba ki khun ki ksiew jong nga kin synshar ïa ka Israel katba ki dang phikir ban kohnguh hok ïa ki hukum da ka dohnud baroh bad ka mynsiem jong ki.

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 23:36

Kumta kim dei shuh ban pyndonkam ïa ki ktien, ‘Ka jingkit U Trai,’ namar lada uno uno u leh kumta, ngan pynlong ïa ka khubor jong nga ka jingkit kaba khia shisha ïa u. Ki briew ki la pynkylla khongpong ïa ki ktien U Blei jong ki, U Blei uba im, U Trai Badonbor Baroh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 18:18

“Bad kumta nga ong ha phi baroh: ïa kaei kaba phi khang ha ka pyrthei yn khang ha bneng, bad ïa kaei kaba phi shah ha ka pyrthei yn shah ha bneng.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

Ka Shithi U Paul Sha Ki Nong Rom 9:26

Bad ha kata hi ka jaka ha kaba ki la ong, ‘Phim dei ki briew jong nga.’ Hangta yn khot ïa ki, ki khun jong U Blei ba-im.”

1 KORINTH 10:32

To im ha kata ka rukom ban ym thaw jingeh ïa ki Jiw ne ïa ki Jentil ne ïa ka balang U Blei.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

2 KORINTH 6:7

Ngi don ïa ka hok kum ka atiar jong ngi, ïa ka ban ïaleh bad ban ïada ïa lade ruh.

GALATIA 2:9

U Jakob, u Petros, bad u Ïoannis, kiba i ba ki long ki nongïalam, ki la tip ba U Blei u la ai ha nga ïa kane ka kam bakyrpang; kumta ki la ïakhublei kti ïa u Barnabas lem bad ïa nga de, kum ka dak ba ngi ïalong baroh ki nongïatrei lang. Ngi la ïamynjur ba u Barnabas bad nga, ngin ïatrei hapdeng ki Jentil, bad ki pat hapdeng ki Jiw.

GALATIA 3:1

A phi ki nong Galatia kiba bieit! Uei uba la pynthame ïa phi? Ha khmat ki khmat jong phi hi la batai shai kdar ïa ka jingïap U Jisu Khrist halor ka diengphna!

EPHESOS 4:21

Phi la ïohsngew shisha shaphang jong u, bad kum ki nongbud jong u, la hikai ha phi ïa kata ka jingshisha kaba don ha U Jisu.

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

1 TIMOTHI 3:14

Katba nga dang thoh ïa kane ka shithi sha me, nga kyrmen ban ïoh wan kloi bad ban ïohi ïa me.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 3:5

Naba lada u briew um nang kumno ban pynïaid ïa la ka jong ka longïing, kumno u lah ban sumar ïa ka balang U Blei?

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

2 TIMOTHI 2:20

Ha ka ïing kaba heh don ki khiew kiba bun jait: Don na ki ïa kiba la thaw da ka rupa bad ka ksiar, kiwei pat da ka dieng bad ka dewbyrtha; don na ki na ka bynta ka jingpyndonkam kyrpang, kiwei pat ban pyndonkam man ka por.

HEBRU 10:21

Ngi don u lyngdoh uba khraw uba peit ïa ka ïing U Blei.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.