1 TIMOTHI 3:13 - Khasi CL Bible (BSI)

¹³ Kito ki nongïarap kiba trei bha ïa la ka kam, ki ïoh ha lade ïa ka nam babha bad ki lah ban kren da ka jingshlur shaphang ka jingngeit jong ki ha U Khrist Jisu.

KA BAIBL

¹³ Namar kita kiba la leh basan bha, ki pynïoh ha lade ïa ka kyrdan ka babha, bad ïa ka jingshlur bakhraw ha ka jingngeit kaba ha U Khrist Jisu.

1 TIMOTHI 3:13 ပူးပေါင်းရင်းမြစ်များ

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

LOUKAS 19:17

‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

KI KAM 21:35

Ki la ïapoi haduh ki mawkyrdon lem bad u, bad nangta ki shipai ki la dei ban bah ïa u namar u paidbhur u la lamwir palat.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

KI KAM 6:5

Ka kynhun baroh kawei ka la sngewbha ïa ka jingtyrwa jong ki apostol, kumta ki la jied ïa u Stephan, u briew uba dap da ka jingngeit bad da U Mynsiem Bakhuid, bad u Philip, u Prokhoros, u Nikanor, u Timon, u Parmenas, bad u Nikolas, u Jentil uba na Antiokh uba mynshuwa u la kylla sha ka niam Jiw.

KI KAM 6:8

U Stephan, u briew uba la kyrkhu eh da U Blei bad uba dap da ka bor, u la leh ïa ki kambah bad ki kamphylla hapdeng ki briew.

1 KORINTH 16:15

Phi tip shaphang u Stephanas bad ka longïing jong u; ki long ki Khristan kiba nyngkong eh ha Akhaïa bad ki la aiti ïa lade ïa ka ban shakri ïa ki briew jong U Blei.

PHILIPPI 1:14

Bad ka jingdon jong nga ha byndi, ka la ai ïa kiba bun eh ki parabangeit ban kham sngewskhem ha U Trai, khnang ba kin nang kham shlur ha ki por baroh ban ïalap ïa ka khubor khlem sheptieng.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.

1 TIMOTHI 3:14

Katba nga dang thoh ïa kane ka shithi sha me, nga kyrmen ban ïoh wan kloi bad ban ïohi ïa me.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.