1 TIMOTHI 3:11 - Khasi CL Bible (BSI)

¹¹ Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

KA BAIBL

¹¹ Kumjuh ruh ki kynthei kin long kiba shida, ym kiba kren siar, kiba leh adkar, kiba shisha ha kiei kiei baroh.

1 TIMOTHI 3:11 ပူးပေါင်းရင်းမြစ်များ

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

SALM 50:20

Phi long kiba kloi ban pharep ïa la ki jong ki para bad ban wad daw ïa ki.

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 25:13

U nonglamktien uba lah ban shaniah u ai jinghun mynsiem ïa uta uba phah ïa u, kum ka umkhriat ha ka jingshit tyrha ha ka aïom ot.

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

ESEKIEL 44:22

Uno uno u lyngdoh um lah ban shongkurim ïa ka briew ba la iehnoh tnga; un shongkurim tang ïa ka theisotti Israel lane ïa ka riewkynthei jong uwei pat u lyngdoh.

LEBITIKOS 21:7

U lyngdoh namar ba u long uba khuid, um bit ban shongkurim ïa ka briew kaba la ïaid nuti, lane ka bym dei ka theisotti, lane kaba la ïapyllait tnga.

MATHAÏOS 4:1

Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 6:2

Ki mraw kiba long ki jong ki kynrad kiba ngeit kim dei ban ñiewbeiñ ïa ki, naba ki long ki parabangeit jong ki. Pynban, ki dei ban shakri ïa ki kham bha shuh shuh, namar kito kiba ïoh myntoi na ka jingtrei jong ki, ki long ki parabangeit ïa kiba ki ieit. Me dei ban hikai bad ïalap ïa kine kiei kiei.

2 TIMOTHI 3:3

kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

TITOS 2:3

Kumjuh ruh hikai ïa ki kynthei kiba la kham san ba kin im donakor kum ki kynthei kiba dei ban leh, kiba im ka jingim bakhuid. Kim dei ban long kiba kren siar lane kiba kyrni ha ka dih waiñ.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.