1 TIMOTHI 2:9 - Khasi CL Bible (BSI)

^9-10 Nga kwah ruh ba ki kynthei kin long kiba biang bad kiba sngewthuh ïa ki jaiñ ba ki riam bad ban riam da kaba dei; ym da ki jingkhyllong shñiuh bakhyllah ne da ki jingdeng ksiar ne ki paila ne da ki jaiñkup riam kiba remdor, hynrei da ki kam babha, kumba ka dei ïa ki kynthei kiba kam ba ki long kiba riewblei.

KA BAIBL

⁹ Kumjuh ruh, ba ki kynthei kin pynitynnad ïa lade ha ka jaiñkup ba don akor, lem bad ka jingshida bad ka jingsngew-adkar; ym da ka jingthain shñiuh, lane da ka ksiar, lane da ki paila, lane da ka jaiñkup bakordor;

1 TIMOTHI 2:9 ပူးပေါင်းရင်းမြစ်များ

JENESIS 24:53

Nangta u sei ïa ki jaiñ bad ki jingdeng rupa bad ksiar, bad u ai ïa ki ha ka Rebekka. U ai ruh ïa ki jingai kiba kordor ïa u hynmen bad ïa ka kmie jong ka.

2 SYIEM 9:30

U Jehu u la wan poi ha Jesreel. Ka Jesebel, haba ka la ïohsngew ïa kaei kaba la jia, ka kyllan rong ïa la ki khmat, ka pynbeit ïa u shñiuh jong ka, bad ka ïeng ban khmih shapoh ka surok na ka jingkhangïit ha ka ïingsyiem.

ESTHER 5:1

Ha ka sngi kaba lai jong ka jingshah jingit, ka Esther ka phong ïa ki jingriam syiem jong ka bad ka leit bad ïeng ha ka phyllaw ba kham shapoh ka ïingsyiem, kaba phai khmat sha ka kamra ba don ka khet syiem. U syiem u don hapoh, u shong halor ka khet syiem, da kaba phai khmat sha ka khyrdop.

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

PROBERB 31:22

Ka thain ïa ki jaiñ siang thiah bad ka phong da ki jaiñ linen bani bad basawbthuh.

PROBERB 31:25

Ka long kaba khlaiñ bad ïoh burom, bad kam sheptieng ïa ka lawei.

PROBERB 7:10

Bad hangta ka la ïakynduh ïa u, ka da riam kum ka nuti bad ka da pyrkhat sniew.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

ISAÏAH 61:4

Kin tei pat ïa ki nongbah ba la jot la pra.

JEREMAÏAH 2:32

Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

JEREMAÏAH 4:30

Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

MATHAÏOS 11:8

Ïa kaei phi ïaleit ban peit? Ïa u briew uba la kup da ki jaiñ ba-itynnat? Ki briew kiba riam kumta ki shong ki sah ha ki ïingsyiem!