1 TIMOTHI 2:8 - Khasi CL Bible (BSI)

⁸ Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

KA BAIBL

⁸ Nga kwah, namar kata, ïa ki rangbah ban duwai ha ka jaka baroh, da kaba rah ïa ki kti bakhuid khlem ka jingbitar bad ka jingïasaid.

1 TIMOTHI 2:8 ပူးပေါင်းရင်းမြစ်များ

1 SYIEM 3:11

bad kumta u ong ha u, “Namar ba me la pan ïa ka jingstad ban synshar hok, ha ka jaka ka jingim bajlan na ka bynta ïa lade lane ka spah lane ka jingïap ki nongshun jong me, ngan leh ïa kaba me la pan.

Ka Kitab U Job 16:17

hynrei ngam shym la shah kynnoh pop ïa kano kano ka jingïaleh pynmynsaw, bad ka jingduwai jong nga sha U Blei ka long kaba beit.

SALM 134:2

To rah ïa la ki kti ha ka jingduwai ha ka Templ, bad to ïaroh ïa U Trai!

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

SALM 24:4

Kito kiba khuid ha ka kam bad ka jingpyrkhat, ki bym shym mane ïa ki bleithaw lane pynlong ki jingkular thala.

SALM 26:6

A Trai, nga sait ïa la ki kti ban pyn-i ba nga long uba lui lui bad nga ïaid sawdong ka duwan ha kaba mane ïa me.

SALM 28:2

Shahshkor ïa nga haba nga kyang ha me ban ïoh jingïarap, haba nga rah ïa ki kti sha ka Templ bakhuid jong me.

SALM 35:13

Hynrei haba ki pang, nga kup da ki jaiñ khain, nga shahjingit khlem bam ïa lade; nga duwai da kaba pyndem ïa la ka khlieh shapoh,

SALM 63:4

Ngan ainguh ïa me katba nga dang im; ngan rah ïa la ki kti sha me ha ka jingduwai.

SALM 66:18

Lada ngam shym la suidñiew ïa ki pop jong nga, U Trai un ym jin da la shahshkor ïa nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

MATHAÏOS 21:21

U Jisu u la jubab, “Nga pynthikna ïa phi ba lada phi ngeit bad phim sngew artatien, phin lah ban leh ïa kaei kaba nga la leh ïa une u dieng Dumbur. Bad ym tang kane, hynrei phin lah wat ban ong ha une u lum, ‘Khie joit bad pynnoh ïa lade sha duriaw,’ bad un leh kumta.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

LOUKAS 24:50

Nangta u la ïalam ïa ki shabar ka nongbah haduh ha Bethania, ha kaba u la rah ïa la ki kti bad u la kyrkhu ïa ki.

ÏOANNIS 4:21

U Jisu u la ong ha ka, “To ngeit ïa nga, ko ka briew, ba ka por kan poi haba ki briew kin ym mane ïa U Kpa halor une u lum ne ha Jerusalem.

KI KAM 10:2

U la long u briew uba riewblei; ma u lem bad ka longïing jong u baroh kawei ki la mane ïa U Blei. U la leh ruh shibun ban ïarap ïa ki Jiw kiba duk bad u ïai duwai ha U Blei.

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

KI KAM 21:5

Hynrei haba ka por jong ngi bad ki ka la kut, ngi la mihnoh bad ngi la nang leit ha ka jingleit jong ngi. Ma ki baroh, lem bad ki tnga bad ki khun jong ki, ki la ïaleit lem bad ngi na ka nongbah sha ka rud duriaw, ha kaba ngi la ïadem khohsiew bad duwai.

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

1 KORINTH 7:7

Ha ka jingshisha nga da kwah ba baroh na phi phin long kum ma nga; hynrei uwei pa uwei u don ïa ka jingai kaba kyrpang na U Blei, uwei da kane ka jingai, ïa uwei pat da katai ka jingai.

2 KORINTH 2:14

Hynrei ki jingnguh ki long sha U Blei! Naba ha U Khrist ngi long borabor kiba la ïalam da U Blei kum ki koidi ha ka jingïaid lynti ka jingjop U Khrist. U Blei u pyndonkam ïa ngi ba kata ka jingtip ïa U Khrist kan saphriang kylleng kum ka jingiwbih.

PHILIPPI 1:12

Nga kwah ïa phi ban tip, ko parabangeit jong nga, ba kiei kiei kiba la jia ha nga ki la ïarap da shisha ïa ka jingpynroi ïa ka gospel.

1 THESSALONI 1:8

Naba ym dei tang ba ka khubor shaphang U Trai ka la mih na phi sha kylleng ka Makedonia bad Akhaïa, hynrei ka khubor shaphang ka jingngeit jong phi ha U Blei ka la par kylleng. Ym don shuh kano kano te ba ngi donkam ban ong.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 3:7

Ha kajuh ka rukom phi ki shynrang to da shong ryngkat bad la ki tnga da ka jingshemphang ba dei biang ba ki long kiba kham tlot ban ïa phi. To ñiewburom ïa ki, namar ki ruh kin ïohpdiang, lem bad phi, ka jingim kaba long ka jingai jong U Blei. To leh ïa kane ba kan ym don kano kano ka ban tuklar ïa ki jingduwai jong phi.