1 TIMOTHI 2:6 - Khasi CL Bible (BSI)

^6-7 Kata ka long ka jingpynshisha ha ka Ïa kaba biang kaba U Blei u kwah ba baroh kin ïohlait im, bad na kata ka daw balei ba la phah ïa nga kum u apostol bad u nonghikai ïa ki Jentil, ban pynbna ïa ka khubor jong ka jingngeit bad ka jingshisha. Ngam kren ïa kaba lamler; nga ïathuh ïa ka jingshisha!

KA BAIBL

⁶ uba la aiti ïa lade ban long ka jingsiewspah ïa baroh, ïa ka ban phla ha ki por kiba dei hi.

1 TIMOTHI 2:6 ပူးပေါင်းရင်းမြစ်များ

Ka Kitab U Job 33:24

Ha ka jingsngewsynei u angel un ong, “Pyllait noh ïa u! Um dei ban leit hiar sha ka pyrthei kiba ïap. Hangne ka don ka kuna ban pyllaitluid ïa u.”

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MARKOS 1:15

“Ka por kaba dei ka la poi,” u ong, “bad ka Hima U Blei ka la hajan! To phai noh na ki pop jong phi bad ngeit ïa ka Khubor Babha!”

MARKOS 10:45

Namar wat U Khun U Briew um shym la wan ba un shah shakri; u la wan ban shakri bad ban aiti ïa la ka jingim ban pynim ïa kiba bun ki briew.”

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 5:6

Namar mynba ngi dang long ki bym don jingkyrmen shuh, U Khrist u la ïap na ka bynta kiba bymman, ha ka por kaba U Blei u la jied.

1 KORINTH 1:6

Ka khubor shaphang U Khrist ka la shong skhem ha phi kat haduh ba phim shym duh noh ban pdiang wat tang ïa kawei ka jingkyrkhu, katba phi dang ap khmih lynti ba yn pynpaw ïa U Jisu Khrist uba U Trai jong ngi.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

TITOS 1:3

bad ha ka por kaba biang u la pynpaw ïa ka ha ka khubor jong u. Ïa kane la pynkhamti ha nga, bad nga pynbna ïa ka da ka hukum U Blei U Nongpynim jong ngi.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.