1 TIMOTHI 2:1 - Khasi CL Bible (BSI)

^1-2 Nyngkong eh, namarkata, nga kyntu ba ki jingïasaid, ki jingduwai, ki jingkyrpad bad ki jingainguh ban ai sha U Blei na ka bynta ki briew baroh; na ka bynta ki syiem bad baroh kiba don ha ka bor synshar, ba ngi lah ban im ka jingim kaba jar jar bad kaba suk ha ka jingtiengburom baroh sha U Blei bad da ka jinglong jingim kaba dei.

KA BAIBL

¹ Te nga kyntu nyngkong eh namar kata, ban pynlong ki jingkyrpad, ki jingduwai, ki jingïasaid, ki jingainguh, na ka bynta ki briew baroh;

1 TIMOTHI 2:1 ပူးပေါင်းရင်းမြစ်များ

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

JEREMAÏAH 29:7

Trei na ka bynta ka jingbha jong ki nongbah sha kaba nga la pynlong ïa phi ban leit kum ki koidi. Duwai sha nga na ka bynta jong ki, namar lada ki manbha, phi ruh phin manbha.

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

Ka Shithi U Paul Sha Ki Nong Rom 1:8

Nyngkong, nga ainguh ïa U Blei jong nga lyngba U Jisu Khrist na ka bynta jong phi baroh, namar ka pyrthei baroh kawei ka ïohsngew shaphang ka jingngeit jong phi.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

1 KORINTH 15:3

Nga la aiti ha phi ïa kaei kaba nga la ïohpdiang, kaba long kaba donkam tam: Ba U Khrist u la ïap na ka bynta ki pop jong ngi, kumba la thoh ha ki Jingthoh Bakhuid;

2 KORINTH 8:6

Kumta ngi la kyntu ïa u Titos, uba la sdang ïa kane ka kam, ban bteng ïa ka bad ban ïarap ïa phi ban pyndep ïa kane ka jingshakri bakyrpang jong ka jingieit.

EPHESOS 3:13

Nga kyrpad ïa phi, te ban ym noh mynsiem namar nga shahshitom na ka bynta jong phi; ka dei na ka bynta ka jingmyntoi jong phi baroh.

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

EPHESOS 6:18

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

PHILIPPI 1:3

Nga ainguh ïa U Blei jong nga namar jong phi man la ka por ba nga pyrkhat shaphang jong phi,

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

1 THESSALONI 3:12

To U Trai un pynlong ïa ka jingieit jong phi iwei ïa iwei pat bad ïa ki briew baroh ban nang ïai san bad ban man khraw ha ka jingieit jong ngi ïa phi.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 TIMOTHI 5:5

Ka riewkynthei kaba long tang marwei, ka bym don mano mano ban sumar ïa ka, ka la buh ïa la ka jingkyrmen ha U Blei bad ka ïai duwai bad pan na u ïa ka jingïarap mynmiet bad mynsngi.

2 TIMOTHI 2:24

Kum u shakri jong U Trai, mem dei ban ïakajia.

TITOS 2:11

Naba U Blei u la pynpaw ïa ka jingaiei jong U na ka bynta ka jingpynim jong ki briew baroh.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

HEBRU 6:11

Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.