1 TIMOTHI 1:9 - Khasi CL Bible (BSI)

^9-10 Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

KA BAIBL

⁹ haba da tip ïa kane, ba ïa ka hukum ym shym buh ïa u bahok, hynrei, ïa kiba beiñ hukum bad ki bymkohnguh, ïa ki bymriewblei bad ki bapop, ïa ki bymkhuid bad ïa kiba leh sang, ïa ki nongshoh kpa bad ïa ki nongshoh kmie, ïa ki nongpynïap briew,

1 TIMOTHI 1:9 ပူးပေါင်းရင်းမြစ်များ

2 SAMUEL 16:11

Bad u Dabid u ong ha u Abishai bad ha ki rangbah synshar jong u baroh, “U khun jong nga hi u pyrshang ban pynïap ïa nga, te balei phin lyngngoh ïa une u nong Benjamin? U Trai u la ong ïa u ban tim; kumta wat pynwit ïa u, ai un leh ïa ka.

2 SYIEM 19:37

Ha kawei ka sngi katba u dang mane ha ka templ jong u blei jong u, u Nisrokh, ar ngut na ki khun jong u, u Adrammelekh bad u Shareser, ki pynïap ïa u da ki waitlam, bad nangta ki phet ïap sha ka ri Ararat. Uwei pat na ki khun shynrang jong u, u Esarhaddon, u long u patsha ha ka jaka jong u.

2 KHRONIKL 32:21

U Trai u phah ïa u angel uba pynap ïa ki shipai bad ïa ki rangbah shipai jong ka kynhun shipai Assyria. Te u patsha u leit phai pat sha Assyria ha ka jinglehrain. Ha kawei ka sngi haba u dang don ha ka templ jong U Blei jong u, katto katne na ki khun shynrang jong u ki la pynïap ïa u da la ki waitlam.

EKSODOS 20:13

“Wat pynïap briew.

EKSODOS 21:14

Hynrei haba u briew da kaba bitar u pynïap khnang ïa uwei pat, dei ban pynïap ïa u, wat la u wan ban rieh ha ka duwan jong nga.

PROBERB 20:20

Lada phi tim ïa la ki kmie ki kpa, ka jingim jong phi kan kut kum ka sharak kaba lip noh ha kaba dum.

PROBERB 28:17

U briew uba shah pynrem ba u pynïap briew u tih ïa la ka jong ka jingtep kloi katba lah. Wat pyrshang ban pynsangeh ïa u.

PROBERB 28:24

Uno uno uba pyrkhat ba kam long kaba bakla ban tuh na la ki kmie ki kpa um long kham bha ban ïa u nongtuh uba la ju mlien.

PROBERB 30:11

Don ki briew kiba tim ïa la ki kpa bad ki bym ju pyn-i ïa la ka jingïaroh ïa la ki kmie.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

JEREMAÏAH 23:11

U Trai u ong, “Ki nongïathuhlypa bad ki lyngdoh ki long ki bymriewblei; nga la lap ïa ki ba ki leh bymman ha ka Templ hi.

ESEKIEL 21:25

“Me u nongsynshar uba bymman bad bymkhuid jong ki Israel, ka sngi jong me, ka sngi jong ka jingpynshitom ba kut, ka wan.

LEBITIKOS 20:9

U Trai u la ai ïa kine harum ki jingbuhbeit ryntih. “Uno uno uba tim ïa la u kpa ne ïa la ka kmie un shah pynïap; u la kwah hi ïa ka jingïap.

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

GALATIA 3:19

Kaei te, ka jingthmu jong ka Hukum? La bynrap khnang ban pyn-i ïa kaei ba ka long ka jingpalat, bad la thmu ba kan neh haduh ka jingwan uta u nonghiarpateng jong u Abraham, ha uba la pynlong ïa ka jingkular. Ïa ka Hukum la aiti da ki angel, lem bad u briew uba ïeng kum u ksiang.

GALATIA 5:18

Lada U Mynsiem u ïalam ïa phi, te phim long shuh hapoh ka Hukum.

GALATIA 5:21

ki ïa-pihuin, ïabuaid, ki don jingkhawai jingdih kyiad, bad leh ïa kiwei kiei kiei kiba kum kine. Nga maham ïa phi mynta kumba nga la maham mynshuwa; ba kita kiba ïai leh ïa kine kiei kiei kin ym ïohkynti ïa ka hima U Blei.

GALATIA 5:23

Ym don ka hukum pyrshah ïa kiba kum kine kiei kiei.

DEUTERONOMI 27:16

“ ‘Ka jingtim U Blei kan hap ha uta u briew uba pynjahburom ïa la u kpa lane ïa la ka kmie.’ “Bad u paidbah baroh un jubab lang, ‘Amen!’

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

1 TIMOTHI 4:7

Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 2:16

To kiar noh na ki jingïakren ba-thala bad ba-bieit, tang ban ïalam ïa ki briew kham jngai na U Blei.

2 TIMOTHI 3:2

Ki briew kin long kiba khwan myntoi, kiba lalot, kiba leh sarong, bad kiba kyr-eit; kin krenbeiñ, kin ym kohnguh ïa la ki kmie ki kpa, ki bymsngewnguh, bad ki bymriewblei;

TITOS 1:10

Naba don shibun, khamtam kiba la kylla na ka niam Jiw, kiba ïaleh pyrshah bad kiba shukor ïa kiwei da ka jingleh bym don jingmut jong ki.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

TITOS 1:6

U nongsharai balang u dei ban long u bym don jingshah kynnoh pop; u dei ban don tang kawei ka tnga, bad ki khun jong u ki dei ban long ki bangeit bad ki bym don jingbudnam ba ki long kiba leh thurmur lane ki bymkohnguh.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

HEBRU 12:16

Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

1 PETROS 2:7

Une u maw u long uba kordor eh ïa phi kiba ngeit; hynrei ha kito ki bymngeit: “U maw ïa uba ki nongtei ki la kyntait kum u bymmyntoi u la kylla long uba donkam tam na baroh.”

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

1 PETROS 4:18

Kumba ka Jingthoh Bakhuid ka ong: “Ka long kaba eh ïa ki briew ki babha ba kin ïohlait im; aïu te, kan long ïa ki nongpop ba khlem Blei?”

JUDAH 1:15

ban wallam ïa ka jingbishar ha baroh, ban pynrem ïa ki baroh na ka bynta ki kam bymriewblei ba ki la leh bad na ka bynta ki ktien ba sngewtriem kiba ki nongpop ba khlem blei ki la kren pyrshah ïa u!”

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.