1 TIMOTHI 1:7 - Khasi CL Bible (BSI)

⁷ Ki kwah ban long ki nonghikai ïa ka hukum U Blei, hynrei kim sngewthuh ïa la ki jong ki ktien lane shaphang kiei kiei ïa kaba ki kren da ka jingsngewskhem kaba haduh katta katta.

KA BAIBL

⁷ ki da kwah ban long ki nonghikai ka hukum, haba kim sngewthuh pynban ïa kaba ki ong, lymne ïa kaba ki kren skhem.

1 TIMOTHI 1:7 ပူးပေါင်းရင်းမြစ်များ

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 21:27

Kumta ki la jubab ïa U Jisu, “Ngim tip.” Bad u la ong ha ki, “Lymne ma nga ruh ngan ym ïathuh, te, da kaei ka hok ba nga leh ïa kine kiei kiei.

LOUKAS 2:46

Ha ka sngi kaba lai, ki la shem ïa u hapoh ka Templ, u da shong bad ki nonghikai jong ki Jiw, da kaba shahshkor ïa ki bad kylli jingkylli.

KI KAM 15:1

Katto katne ngut ki rangbah ki la wan na Judia sha Antiokh bad ki la sdang ban hikai ïa ki parabangeit, “Phim lah ban lait im lymda la otsher ïa phi kumba ka Hukum u Moses ka dawa.”

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

GALATIA 3:2

Ïathuh ha nga ïa kane kawei: Hato phi pdiang ïa U Mynsiem U Blei da kaba leh ïa kaei ba ka Hukum ka dawa ne da kaba ïohsngew ïa ka Gospel bad ngeit ïa ka?

GALATIA 3:5

Hato U Blei u ai ïa U Mynsiem bad leh ïa ki kambah hapdeng jong phi namar ba phi leh ïa kaei kaba ka Hukum ka dawa ne namar ba phi ïohsngew ïa ka Gospel bad ngeit ïa ka?

GALATIA 4:21

Shah ïa nga ban kylli ïa kito na phi kiba kwah ban im hapoh ka Hukum: Hato phim ïohsngew aïu ka Hukum ka ong?

1 TIMOTHI 6:4

U don ka jingkwah kaba sniew ban ïoh ïasaidnia bad ïakajia shaphang ki ktien, bad kane ka wanrah ïa ka jingpihuiñ, ka jingïania, ka jingkrenbeiñ, ka jingsuba sniew, bad ka jingïai-ïasaidnia na ki briew kiba ki jingmut jong ki kim treikam bad ki bym don shuh ïa ka jingshisha.

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.

2 PETROS 2:12

Hynrei kine ki briew ki leh la ka leh, kum ki mradkhlaw ïa kiba la kha ïa ka ban shah kem bad shah pynïap; ki tur ïaleh da ki jingkrenbeiñ ïa kiei kiei kiba kim sngewthuh.