1 TIMOTHI 1:5 - Khasi CL Bible (BSI)

⁵ Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

KA BAIBL

⁵ Hynrei, ka jingthmu ka jong kata ka hukum ka long ka jingieit na ka dohnud bakhuid bad ka jingïatiplem babha bad ka jingngeit bakhlem arsap:

1 TIMOTHI 1:5 ပူးပေါင်းရင်းမြစ်များ

SALM 24:4

Kito kiba khuid ha ka kam bad ka jingpyrkhat, ki bym shym mane ïa ki bleithaw lane pynlong ki jingkular thala.

SALM 51:10

To pynlong ïa ka dohnud basngur hapoh jong nga, A Blei, bad buh ïa ka mynsiem kaba thymmai bad ba-beit hapoh jong nga.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.

MATHAÏOS 5:8

Suk kiba khuid ha ka dohnud; kin ïohi ïa U Blei!

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

KI KAM 23:1

U Paul u la peit shlip sha ka Dorbar bad u la ong, “Ko ki para nong Israel jong nga! Ka jingïatiplem jong nga ka sngur shaphang ka rukom ha kaba nga la im ha khmat U Blei haduh kane ka sngi.”

KI KAM 24:16

Bad kumta nga ïaleh katba lah ban ïoh ka jingïatiplem kaba khuid kdar ha khmat jong U Blei bad ki briew.

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

Ka Shithi U Paul Sha Ki Nong Rom 14:15

Lada phi pynmong ïa la u parabangeit namar kaei kaba phi bam, te phim leh shuh na ka jingieit. To wat ai ba ka jingbam kaba phi bam kan pynsniew ïa u briew ïa uba U Khrist u la ïap na ka bynta jong u!

Ka Shithi U Paul Sha Ki Nong Rom 9:1

Nga kren ïa ka jingshisha, nga long u jong U Khrist bad ngam kren ïa ka bymshisha. Ka jingïatiplem, ba la synshar da U Mynsiem Bakhuid ruh ka kren skhem ba ngam kren ïa ka bymshisha

1 KORINTH 13:1

Nga lah ban kren ha ki ktien jong ki briew bad wat ha ka jong ki angel ruh, hynrei lada ngam don ka jingieit, ka jingkren jong nga ka long kum ka wiang rnong ba sawa ne kum ka shakuriaw bariew shaw shaw.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

DEUTERONOMI 10:12

“Mynta, ko ki paid Israel, shahshkor ïa kaei kaba U Trai U Blei jong phi u dawa na phi: Mane ïa U Trai bad leh ïa kata baroh kaba u hukum. Ieit ïa u, shakri ïa u da ka dohnud jong phi baroh, bad kohnguh ïa ki hukum jong u baroh.

1 TIMOTHI 1:18

Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

2 TIMOTHI 1:3

Nga ainguh ïa U Blei, ïa uba nga shakri da ka jingïatiplem bakhuid, kumba ki kpa tymmen jong nga ki la leh. Nga ainguh ïa u haba nga kynmaw ïa me borabor ha ki jingduwai jong nga mynmiet bad mynsngi.

2 TIMOTHI 1:5

Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 13:18

To ïai duwai namar jong ngi. Ngi sngewskhem ba ngi don ka jingïatiplem kaba khuid, namar ngi kwah ban leh ïa kaba dei ha ki por baroh.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

2 PETROS 1:7

ha ka jinglong riewblei pynlang ïa ka jingïadei parabangeit; bad ha ka jingïadei parabangeit pynlang ïa ka jingieit.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.