1 TIMOTHI 1:4 - Khasi CL Bible (BSI)

⁴ Ong ïa ki ban iehnoh ïa kito ki puriskam bad kito ki thup bajrong jong ka jinghiarpateng, kiba pynmih tang ïa ki jingïania; kim ïadei ei ei bad ka jingthmu U Blei, ïa kaba lah ban tip da ka jingngeit.

KA BAIBL

⁴ lymne pynshahshkor ïa ki puriskam kai bad ïa ki jinghiar pateng bakhlem kut, kiba kham pynlong jingïasaid, ban ïa ka jingshakri ïa U Blei kaba long ha ka jingngeit: to leh kumta.

1 TIMOTHI 1:4 ပူးပေါင်းရင်းမြစ်များ

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

EPHESOS 3:2

Da shisha phi la ïohsngew ba U Blei ha ka jingaiei jong u, u la ai ha nga ïa kane ka kam ban trei na ka bynta ka jingbha jong phi.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 4:7

Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 2:14

To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

2 TIMOTHI 2:23

Hynrei to kiar noh na ki jingïatainia ba-bieit bad ba khlem jingmut; me tip ba ki kut ha ka jingïakajia.

2 TIMOTHI 4:4

Kin phai noh na kaba shahshkor ïa ka jingshisha bad kin pynleit jingmut ha ki puriskam kai.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

TITOS 1:14

bad ban nym pynshahshkor shuh ha ki khanatang jong ki Jiw bad ha ki hukum briew kiba wan na ki briew kiba la kyntait ïa ka jingshisha.

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

2 PETROS 1:16

Ngim shym la shaniah ha ki jingïathuhkhana ba shu thaw ha kaba ïathuh ha phi ïa ka jingwan ha ka bor jong U Jisu Khrist uba U Trai jong ngi. Da la ki khmat jong ngi hi ngi la ïohi ïa ka jingkhraw jong u.