1 TIMOTHI 1:3 - Khasi CL Bible (BSI)

³ Nga kwah ïa me ba men sah ha Ephesos, kumba nga la bthah ïa me mynba nga la don ha ka lynti sha Makedonia. Don na ki briew hangta kiba la ai ïa ki jinghikai lamler, bad me dei ban maham ïa ki ban sangeh.

KA BAIBL

³ Kumba nga la kyrpad ïa me ban ïaisah ha Ephesos, mynba nga dang leit sha Makedonia, ba men ïoh hukum ïa kita ki briew ban ym hikai ïa ki jinghikai bapher,

1 TIMOTHI 1:3 ပူးပေါင်းရင်းမြစ်များ

KI KAM 18:19

Ki la poi ha Ephesos, ha kaba u Paul u la iehnoh ïa ka Priskila bad ïa u Akwila. U la leit sha ka synagog bad u la pynlong ka jingïaphylliew jingmut bad ki Jiw.

KI KAM 18:21

Pynban, u la ong ïa ki ha shuwa ba un mihnoh, “Lada ka long ka mon U Blei, ngan wan pat sha phi.” Bad kumta u la leit da ka lieng na Ephesos.

Ka Shithi U Paul Sha Ki Nong Rom 15:26

Namar ki balang ha Makedonia bad Akhaïa da ka jingsngewlaitluid ki la ïakut ban ai ka jingai ban ïarap ïa kiba duk napdeng ki briew jong U Blei ha Jerusalem.

Ka Shithi U Paul Sha Ki Nong Rom 16:17

Nga kyntu ïa phi, ko ki parabangeit jong nga: To da husiar na kito kiba pynlong ki jingïapait bad kiba pynkulmar ïa ka jingngeit jong ki briew bad kiba ïaid pyrshah ïa ka jinghikai kaba phi la ïoh. To kiar na ki!

2 KORINTH 11:4

Naba phi la ïaishah da kaba kmen ïa uno uno uba wan ha phi bad ïalap ïa uwei pat U Jisu, ym uta uba ngi la ïalap; bad phi pdiang ïa u mynsiem bad ïa ka gospel kaba pher shibun na U Mynsiem bad ka gospel kaba phi la ïohpdiang na ngi!

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

PHILIPPI 2:24

Bad nga shaniah ha U Trai ba nga da lade hi, nga lah ban wan shen sha phi.

1 TIMOTHI 4:11

To ai ha ki ïa kine ki jingbthah bad ïa kine ki jinghikai.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

1 TIMOTHI 5:7

To ai ha ki ïa kine ki jinghikai, khnang ba yn ym don ba wad daw ïa ki.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

2 TIMOTHI 1:18

To U Trai un ai ïa ka jinglehisynei ha u ha kata ka Sngi! Bad phi tip shai kdar katno ba u la leh na ka bynta jong nga ha Ephesos.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

JINGPYNPAW 2:14

Hynrei don katto katne kiei kiei kiba nga don pyrshah ïa pha: Don katto katne ngut hapdeng jong pha kiba bud ïa ka jinghikai u Balaam, uba la hikai ïa u Balak kumno ban ïalam ïa ki paid Israel sha ka pop da kaba pynngeit ïa ki ban bam ïa ka jingbam kaba la lah ai ha ki bleithaw bad ban leh ki kam awria.

JINGPYNPAW 2:20

Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.