1 TIMOTHI 1:18 - Khasi CL Bible (BSI)

¹⁸ Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

KA BAIBL

¹⁸ Ïa kane ka hukum nga aiti ha me, ko Timothi u khun jong nga, katba kum kita ki jingïathuhlypa kiba la long mynshuwa shaphang jong me, ba da ki, men ïoh ïaleh thma ïa kata ka jingïaleh thma babha;

1 TIMOTHI 1:18 ပူးပေါင်းရင်းမြစ်များ

KI KAM 16:1

U Paul u la nang leit sha Derbe bad Lystra, ha kaba uwei u Khristan uba kyrteng u Timothi u shong u sah. Ka kmie jong u, kaba long ruh ka Khristan, ka long ka Jiw, hynrei u kpa jong u, u long u Grik.

1 KORINTH 4:17

Na ka bynta kane ka jingthmu nga phah ha phi ïa u Timothi, uba long u khun ba-ieit bad baïaineh jong nga ha ka jingim kum uba ngeit. Un pynkynmaw ïa phi ïa ki nongrim kiba nga bud ha ka jingim kaba thymmai ha U Khrist Jisu bad kaba nga hikai ha ki balang baroh kiba don kylleng.

1 KORINTH 9:7

Uei u shipai uba ju dei ban siew ïa la ki jingpynlut ha ka kam shipai? Uei u nongrep u bym bam ïa ki soh na la ka bri sohwaiñ? Uei u nongaplangbrot u bym pyndonkam ïa ka dud na la ki jong ki langbrot?

PHILIPPI 2:22

Bad phi hi phi tip, kumno u la pynshisha ïa ka jingkordor jong u, kumno ma u bad ma nga, kum u khun bad u kpa jong u, ngi la ïatreilang na ka bynta ka gospel.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 1:2

Ha u Timothi, u khun ba-ieit jong nga: To ai ba U Blei uba U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei, bad ka jingsuk.

2 TIMOTHI 4:7

Nga la ïaleh tyngeh ïa ka jingïamareh, nga la pyndep ïa ka jingïaphet, nga la ri ïa ka jingngeit.

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.

PHILEMON 1:10

Kumta nga pynlong ïa kane ka jingkyrpad na ka bynta u Onesimos, uba long u khun jong nga hi ha U Khrist; ba mynba ngi la don ha ka byndi nga la long u kpa jong u ha ka mynsiem.