1 TIMOTHI 1:12 - Khasi CL Bible (BSI)

¹² Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

KA BAIBL

¹² Te nga sngewnguh ïa uta uba la ai bor ïa nga, U Khrist Jisu uba U Trai jong ngi, naba u la ñiew ïa nga uba dei ban shaniah, haba u la thung ïa nga ha ka kam jong u;

1 TIMOTHI 1:12 ပူးပေါင်းရင်းမြစ်များ

MATHAÏOS 20:4

kumta u la ong ïa ki, ‘Phi ruh khie leit bad trei ha ka bri sohwaiñ, bad ngan siew ka bainong kaba biang.’ Kumta ki la leit.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

KI KAM 9:22

Hynrei ka jingïalap jong u Saul ka la nang kham khrawbor, bad ki jingpynshisha jong u ba U Jisu u long U Messaïah ki long kiba skhem ba ki Jiw kiba shong basah ha Damaskos kim lah ban jubab ïa u.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

1 KORINTH 7:25

Mynta, ïa kaei kaba phi la thoh shaphang ki briew ki bym pat shongkurim: Ngam don ka hukum na U Trai, hynrei nga ai ïa la ka jingmut kum uwei uba da ka jingisynei U Trai nga long uba lah ban shaniah.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

KOLOSSAI 1:25

Bad ïa nga la pynlong u shakri jong ka balang da U Blei, uba la ai ha nga ïa kane ka kam ban trei na ka bynta ka jingbha jong phi. Ka long ka kam ban pynbna pura ïa ka khubor jong u,

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.

PHILEMON 1:9

Hynrei namar ba nga ieit ïa me, nga pynlong ïa kane ka jingkyrpad. Nga leh ïa kane wat la nga long u Paul, u nonglamktien jong U Khrist Jisu, bad mynta ruh u nongsah byndi na ka bynta jong u.