1 SAMUEL 9:3 - Khasi CL Bible (BSI)

³ Katto katne tylli ki kada jong u Kish ki la sakma; kumta u ong ha u Saul, “Ïalam bad me uwei na ki shakri bad leit wad ïa kito ki kada.”

KA BAIBL

³ Te ki kadda u Kish, u kpa u Saul ki la jah noh. Bad u Kish u la ong ha u Saul u khun jong u, “To ïalam bad me uwei na kine ki shakri, to khie ruh, da leit wad ïa kita ki kadda.”

1 SAMUEL 9:3 ပူးပေါင်းရင်းမြစ်များ

NONGBISHAR 10:4

U don laiphew ngut ki khun shynrang kiba shong halor ki laiphew tylli ki kada. Ki don laiphew tylli ki nongbah ha ka ri Gilead, ïa kiba la dang khot ki nongrit u Jair.

NONGBISHAR 5:10

Ïathuh ïa kata, phi kiba shong halor ki kada balieh, Kiba shong ha ki jin, Bad phi kiba hap ïaid kjat kat shaba phi leit.

1 SAMUEL 10:14

U kñi jong u Saul u ïohi ïa u bad ïa uta u shakri, bad u kylli ïa ki, “Phi ïajah shano?” “Ngi ïaleit wad ïa ki kada,” u Saul u jubab. “Ynda ngim lap ïa ki, ngi leit sha u Samuel.”

1 SAMUEL 10:2

ynda me mih nangne mynta ka sngi, men ïakynduh ar ngut ki rangbah hajan ka jingtep jong ka Rakhel ha Selsah kaba ha ka ri Benjamin. Kin ïathuh ha me ba la lap ïa kita ki kada kiba me leit wad, bad i pa jong me im shym khuslai shuh shaphang jong ki, hynrei i khuslai shaphang jong me, i da ïai kylli, ‘Ngan leh kumno keiñ shaphang la u khun?’

1 SAMUEL 9:2

U don u khun shynrang uba kyrteng u Saul, u samla uba bhabriew ha ka por samla bha. U Saul u long uba jrong bha ban ïa uno uno ha Israel bad u long ruh uba kham bhabriew.

1 SAMUEL 9:20

Shaphang kito ki kada kiba la jah lai sngi mynshuwa, wat khuslai ei ei, namar la lah shem ïa ki. Hynrei ïano sha, ba ki paid Israel ki kwah katta katta? Dei ïa phi keiñ — ïa phi bad ïa ka ïing u kpa jong phi.”

1 SAMUEL 9:4

Ki la leit kylleng ka ri lum Ephraim bad ka thain Shalishah, hynrei kim lap ïa ki; kumta ki leit sa sha ka thain Shaalim, hynrei kita ki kada kim don hangta. Nangta ki leit kylleng ka ri Benjamin, hynrei hangta ruh kim shem ïa ki.