1 SAMUEL 8:9 - Khasi CL Bible (BSI)

⁹ Kumta, sngap ïa ki, tangba me dei ban maham jur ïa ki bad pynshai kumno kita ki syiem kin leh ïa ki.”

KA BAIBL

⁹ Te namar kata, to sngap ïa ka ktien jong ki: la kumta ruh da kaba phla to phla pyrshah ïa ki, bad to pyni ha ki, ïa ka rukom uta u syiem u ban synshar halor jong ki.”

1 SAMUEL 8:9 ပူးပေါင်းရင်းမြစ်များ

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

ESEKIEL 3:18

Lada nga pynbna ba u briew basniew, un sa ïap noh bad mem shym la maham u ban kylla noh na ki lynti jong u, khnang ba u lah ban pyllait ïa la ka jingim, un ïap hi kum u nongpop, bad ngan pynkitkhlieh ha me ïa ka jingïap jong u.

ESEKIEL 46:18

U khun syiem uba synshar um dei ban shim noh ïa kano kano ka nongkynti na ki paidbah. Kano kano ka jaka kaba u ai ha ki khun shynrang jong u, ka dei ban long na ka jaka ïa kaba la mang ïa u, khnang ba un ym banbeiñ ïano ïano na ki briew jong nga da kaba shim ïa ka jaka jong ki.”

1 SAMUEL 10:25

U Samuel u pynshai ha uta u paidbah ïa ki hok bad ki kamram u syiem, bad u thoh ïa ki ha ka kitab bad u buh ïa ka ha ka jaka kyntang. Nangta u phah ïa ki ba kin leit noh sha la ïing.

1 SAMUEL 12:1

Nangta u Samuel u ong ha ki paid Israel, “Nga la leh ïa kaba phi la ong ïa nga ban leh. Nga la ai ïa phi u syiem ban synshar ïa phi,

1 SAMUEL 14:52

Katba u dang im, u Saul u hap ban ïaleh tyngeh pyrshah ïa ki Philistia. Kumta, man ka por ba u lap ïa u briew uba khlaiñ lane uba shlur, u ju pynrung ïa u ha ka kynhun ïapom jong u.

1 SAMUEL 2:13

lane ïa ki jingbuhbeit ryntih shaphang kaei ba ki lyngdoh ki lah ban dawa na ki briew. Pynban haba uno uno u briew u kñia ïa ka jingainguh, u shakri u lyngdoh u ju wan bad u proh lai pnat ha la ka kti ha ka por ba dang shet ïa ka doh;

1 SAMUEL 8:8

Naduh ba nga la wan ïalam ïa ki na Ijipt, ki la phai noh na nga bad ki la mane ïa kiwei pat ki blei; bad mynta ki leh ïa me kumba ki la ju leh ïa nga.