1 SAMUEL 8:8 - Khasi CL Bible (BSI)

⁸ Naduh ba nga la wan ïalam ïa ki na Ijipt, ki la phai noh na nga bad ki la mane ïa kiwei pat ki blei; bad mynta ki leh ïa me kumba ki la ju leh ïa nga.

KA BAIBL

⁸ Katba kum kita ki kam baroh kiba ki la leh naduh kata ka sngi ba nga la wallam noh ïa ki na Ijipt haduh kane ka sngi, ha kaba ki la kyntait ïa nga, bad ba ki la shakri ïa kiwei pat ki blei, kumta ki leh ïa me ruh.

1 SAMUEL 8:8 ပူးပေါင်းရင်းမြစ်များ

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

EKSODOS 16:3

“Kan jin da la bha ba U Trai u shoh ïap ïa ngi ha ri Ijipt. Hangta, la kumno kumno, ngi dang ïoh ban shong bad bam doh bad kyrhai ka jingbam kat kaba ngi kwah. Hynrei phi la wan ïalam ïa ngi sha kane ka ri shyiap ban pynïapthngan ïa ngi baroh.”

EKSODOS 17:2

Ki la khñium ha u Moses, bad ki la ong, “Ai um ïa ngi ban dih.” U Moses u ong ha ki, “Balei keiñ phi ïakhñium ïa nga? Balei phi tynjuh ïa U Trai?”

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

JEREMAÏAH 34:14

Nga la ong ïa ki ba man ki hynñiew snem ki dei ban pyllaitluid ïa uno uno u mraw Hebru uba la shakri ïa ki hynriew snem. Hynrei ki kpa tymmen jong phi kim shym la suidñiew ïa nga lane shahshkor ïa kaei kaba nga la ong.

ESEKIEL 2:3

“Ko khun u briew, ngan phah ïa me sha ki paid Israel. Ki la ïaleh pyrshah bad ki phai lyndet ïa nga bad ki dang ïai pyrshah hi, kumba ki kpa tymmen jong ki, ki la long.

JINGKHEIÑ 16:41

Ha ka sngi kaba bud, ka kynhun baroh ka la khñium pyrshah ïa u Moses bad u Aaron, bad ka ong, “Phi la pynïap katto katne ngut ki briew jong U Trai.”

DEUTERONOMI 9:24

Naduh ba nga la ithuh ïa phi, phi shait ïaleh pyrshah ïa U Trai.

NONGBISHAR 13:1

Ki Israel ki leh pop biang pyrshah ïa U Trai, bad u shah ba ki Philistia kin synshar ïa ki sawphew snem.

NONGBISHAR 2:20

Nangta U Trai u bitar lep ïa ki Israel, bad u ong, “Kane ka jaitbynriew ka la pynkheiñ ïa ka jutang kaba nga la hukum ïa ki kpa tymmen jong ki ban sumar. Namar ba kim shym la kohnguh ïa nga,

NONGBISHAR 4:1

Hadien ba u Ehud u la ïap, ki paid Israel ki leh pop biang pyrshah ïa U Trai.

NONGBISHAR 6:1

Sa shisien pat ki Israel ki la leh pop pyrshah ïa U Trai, kumta u shah ïa ki Midian ban synshar ïa ki haduh hynñiew snem.

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.

1 SAMUEL 8:9

Kumta, sngap ïa ki, tangba me dei ban maham jur ïa ki bad pynshai kumno kita ki syiem kin leh ïa ki.”