1 SAMUEL 8:7 - Khasi CL Bible (BSI)

⁷ bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.

KA BAIBL

⁷ Bad U Trai u la ong ha u Samuel, “To shahshkor ïa ka ktien jong kine ki briew ha kiei kiei baroh ba ki ong ha me: namar ym dei ïa me ba ki la kyntait, hynrei, ki la kyntait ïa nga, ba ngan ym long syiem shuh halor jong ki.

1 SAMUEL 8:7 ပူးပေါင်းရင်းမြစ်များ

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

ISAÏAH 66:4

Kumta ngan wallam jingjot halor jong ki — Ïa kita kiei kiei kiba ki sheptieng — namar ym don uwei ruh uba jubab haba nga khot lane shahshkor haba nga kren. Ki jied ban ïaleh pyrshah ïa nga bad leh ïa kaba sniew.”

JEREMAÏAH 34:14

Nga la ong ïa ki ba man ki hynñiew snem ki dei ban pyllaitluid ïa uno uno u mraw Hebru uba la shakri ïa ki hynriew snem. Hynrei ki kpa tymmen jong phi kim shym la suidñiew ïa nga lane shahshkor ïa kaei kaba nga la ong.

ESEKIEL 2:3

“Ko khun u briew, ngan phah ïa me sha ki paid Israel. Ki la ïaleh pyrshah bad ki phai lyndet ïa nga bad ki dang ïai pyrshah hi, kumba ki kpa tymmen jong ki, ki la long.

ESEKIEL 3:7

Hynrei ym don mano mano ruh na ki paid Israel kiba mon ban shahshkor, naba kim shahshkor wat ïa nga ruh; baroh na ki, ki long kiba mutlop bad kiba ehrang.

JINGKHEIÑ 22:20

Ha kata ka miet U Blei u la wan ha u Balaam bad u ong, “Lada kine ki briew ki la wan khot ïa me ban leit bad ki, to khreh ban leit; hynrei leh tang ïa kata kaba nga ong ha me.”

MATHAÏOS 10:40

“Uno uno uba pdiang ïa phi u pdiang ïa nga, bad uno uno uba pdiang ïa nga, u pdiang ïa uta uba la phah ïa nga.

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”

ÏOANNIS 13:16

Nga ong ha phi ïa ka jingshisha: U mraw um long kham khraw ban ïa u kynrad jong u, bad u nonglamktien um long kham khraw ban ïa uta uba la phah ïa u.

NONGBISHAR 8:23

U Gideon u jubab, “Ngan ym long u nongsynshar jong phi, lymne u khun jong nga. U Trai un long u nongsynshar jong phi.”

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 12:1

Nangta u Samuel u ong ha ki paid Israel, “Nga la leh ïa kaba phi la ong ïa nga ban leh. Nga la ai ïa phi u syiem ban synshar ïa phi,

1 SAMUEL 12:12

Hynrei haba phi ïohi ba u Nahash u syiem Ammon u wan tur pyrshah ïa phi, phi la kyntait ïa U Trai kum u syiem jong phi bad phi ong ha nga, ‘Ngi kwah syiem ban synshar ïa ngi.’

1 SAMUEL 8:22

U Trai u jubab, “Leh ïa kaei kaba ki kwah, bad ai syiem noh ïa ki.” Nangta u Samuel u ong ïa ki rangbah Israel baroh ban leit phai sha la ïing.

1 SAMUEL 8:8

Naduh ba nga la wan ïalam ïa ki na Ijipt, ki la phai noh na nga bad ki la mane ïa kiwei pat ki blei; bad mynta ki leh ïa me kumba ki la ju leh ïa nga.