1 SAMUEL 7:9 - Khasi CL Bible (BSI)

⁹ U Samuel u pynïap uwei u khunlangbrot bad u thang tylli ïa u kum ka jingkñia ainguh ha U Trai. Nangta u duwai ha U Trai ban ïarap ïa ki Israel, bad U Trai u jubab ïa ka jingduwai jong u.

KA BAIBL

⁹ Te u Samuel u la shim ïa u khun langbrot ba dang buiñ, bad u la ainguh ïa u baroh phar ban long ka jingainguh thang ha U Trai; bad u Samuel u la lynñiar kyrpad ha U Trai na ka bynta ki Israel; bad U Trai u la shahshkor ïa u.

1 SAMUEL 7:9 ပူးပေါင်းရင်းမြစ်များ

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

LEBITIKOS 22:27

“Haba kha ïa uno uno u khun masi, lane ïa u khunlangbrot, lane ïa u khunblang, ieh ïa u bad la ka kmie haduh hynñiew sngi, hynrei hadien kata lah ban pdiang ïa u kum ka jingainguh bam.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

NONGBISHAR 6:26

Tei ka duwan kaba la shna bha ïa U Trai U Blei jong me ha kliar kane ka kynton. Nangta shim ïa u masi kyrtong uba ar bad thang tylli ïa u kum ka jingainguh, da kaba pyndonkam diengthang da ki dak jong ka Asherah ïa kaba me la pynkhyllem.”

NONGBISHAR 6:28

Haba ki briew ha ka nongrit ki khie dang step phyrngab ha ka step kaba bud, ki shem ba ka duwan ïa u Baal bad ka dak jong ka Asherah la pynkhyllem, bad ba la thang ïa u masi kyrtong uba ar halor ka duwan ïa kaba la tei hangta.

1 SAMUEL 10:8

Men nang leit sha khmat jong nga sha Gilgal; ha kaba ngan ïashem bad me ban kñia ïa ki jingainguh thang bad ki jingainguh ïasyllok. Ap hangta hynñiew sngi haduh ba ngan da wan bad ïathuh ha me kaei ba men leh.”

1 SAMUEL 12:17

Mynta ka dei ka aïom rang ryngkhiang, ym dei? Hynrei ngan duwai, bad U Trai un phah ïa u pyrthat bad u slap. Haba kane ka wan jia, phin sa sngewthuh haduh katno phi la leh pop pyrshah ïa U Trai mynba phi pan syiem na u.”

1 SAMUEL 16:2

“Kumno nga lah ban leh ïa kata?” U Samuel u kylli. “Lada u Saul u ïohsngew ïa kata, un pynïap ïa nga!” U Trai u jubab, “Shim ïa u khun masi bad ong ba me don hangta ban kñia ïa ka jingainguh ha U Trai.

1 SAMUEL 2:35

Ngan jied ïa u lyngdoh u ban kohnguh ïa nga bad leh ïa kata baroh kaba nga kwah ïa u. Ngan ai ha u ki khun ki ksiew ki ban ïai shakri ha khmat u syiem uba la jied jong nga.

1 SAMUEL 7:17

Nangta u ju leit pat sa sha la ïing ha Ramah, hangta ruh u ju shakri kum u nongbishar. Ha Ramah u la tei ïa ka duwan ha U Trai hangta.

1 SAMUEL 9:12

“Ho-oid, u don,” kita ki samla kynthei ki jubab. “Utai u dang ïaid sha khmat jong phi. Khie leit kloi; ban lap ïa u. Shen shen haba phin rung ha shnong, phin shem ïa u. U dang shu wan myntan sha shnong, namar ki briew kin leit kñia ainguh ha ka duwan kaba ha une u lum. Ki briew kiba la shah khot sngewbha kin ym bam tad ynda u poi hangta, naba nyngkong u dei ban da kyrkhu ïa ka jingkñia. Lada phi leit noh mynta, phin ïakynduh ïa u shuwa ba un kiew sha lum ban bam.”