1 SAMUEL 7:6 - Khasi CL Bible (BSI)

⁶ Kumta baroh ki ïalumlang ha Mispah. Ki tong ïa ka um bad ki theh ïa ka kum ka jingainguh ha U Trai bad ki shahjingit baroh shi sngi. Ki ong, “Ngi la leh pop pyrshah ïa U Trai.” Dei ha Mispah ba u Samuel u pynbeit ïa ki jingïakajia hapdeng ki Israel.

KA BAIBL

⁶ Te ki la ïalum lang ha Mispah, bad ki la ïatong um, bad ki la ïatheh ha khmat U Trai, bad ki la ïashah jingit ha kata ka sngi, bad ki la ïa-ong hangta, “Ngi la leh pop ïa U Trai.” Bad u Samuel u la bishar ïa ki khun Israel ha Mispah.

1 SAMUEL 7:6 ပူးပေါင်းရင်းမြစ်များ

JENESIS 31:49

U Laban u ong ruh, “To U Trai un khmih halor jong ngi haba ngi la ïakhlad iwei na iwei pat.” Kumta ïa kata ka jaka la khot ruh ka Mispah.

2 SAMUEL 14:14

Ngi baroh ngin ïap; ngi long kum ka um kaba hoit ha khyndew, ïa kaba ym lah shuh ban tong biang. Wat U Blei um ju wallam ïa kiba la ïap ban im pat, hynrei u syiem u lah la kumno kumno ban shem lynti ban wallam pat ïa u briew na ka jingphet wir.

1 SYIEM 8:47

Lada jia ba ha kata ka ri ki kylla-kaba-mut bad ki duwai sha me, ki da phla haduh katno ki la long kiba pop bad kiba bymman, to sngap ïa ki jingduwai jong ki A Trai.

1 KHRONIKL 11:18

Ki lai ngut ki shipai bapawnam ki tur da ka bor lyngba ka jaka shong dara jong ki Philistia, ki tong ïa ka um na ka pukri, bad ki wanrah sha u Dabid. Hynrei um treh ban dih ïa ka; pynban u theh noh ïa ka kum ka jingainguh sha U Trai

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

NEHEMAÏAH 9:27

kiba ong ïa ki ba ki dei ban phai pat sha me. Ki la ñiewbeiñ ïa me na ka por sha ka por, ba kumta me shah ïa ki nongshun jong ki ban jop bad synshar ïa ki. Ha ka jingeh jong ki, ki khot ïa me na ka bynta ka jingïarap, bad me jubab ïa ki na bneng. Ha ka jingisynei bakhraw me phah ki nongïalam ïa ki kiba pyllait ïa ki na ki nongshun jong ki.

Ka Kitab U Job 16:20

Ki paralok jong nga ki krenbeiñ ïa nga; ki khmat jong nga ki pynmih ïa ki ummat sha U Blei.

Ka Kitab U Job 3:24

Ha ka jaka ban bam, nga ïam sngewsih, bad ngam shym sangeh ban ud.

Ka Kitab U Job 33:27

Uwei pa uwei un ong ha kaba ïohsngew paidbah, “Nga la leh pop. Ngam shym la leh kaba dei, hynrei U Blei u la pyllait ïa nga.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 42:3

Nga ïam mynsngi bad mynmiet, bad ki ummat ki long tang ma ki ka jingbam jong nga; man ka por ki nongshun jong nga ki kylli ïa nga, “Hangno u don U Blei jong phi?”

SALM 6:6

Nga la ringswai da ka jingsngewsih sat; man ka miet ka jingthiah jong nga ka sngem na ka jingïam jong nga; ka syngkhlieh jong nga ka jhieh da ki ummat.

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

JEREMAÏAH 31:19

Ngi la phai dien noh na me, hynrei shen ngi la kwah ban wan phai pat. Hadien ba me la pynshitom ïa ngi, ngi la pyndem ïa la ki khlieh ha ka jingsngewsih. Ngi la sngewlehrain bad jahburom, namar ngi la leh pop mynba ngi dang samla.’

JEREMAÏAH 36:9

Ha u bnai bakhyndai jong ka snem kaba san ba u Jehoïakim u la long u syiem ka Judah, ki briew ki la shahjingit ban ïoh ïa ka jingsngewbha U Trai. Ïa ka jingshahjingit la leh da baroh kiba shong basah ha Jerusalem bad da baroh kito kiba la wan hangta na ki shnong ka Judah.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

SNGEWSYNEI 3:49

“Ki ummat jong nga kin mih kum ki wahduid ba ïai tuid.

SNGEWSYNEI 5:16

Ym don shuh kano kano kaba dang sah na baroh kaba ngi la ju sngewsarong. Ngi la leh pop bad mynta ngi long kiba la tim.

ESEKIEL 20:4

“Hato me la kloi ban ai ïa ka jingrai halor jong ki, ko khun u briew? Te to leh kumta. Pynkynmaw ïa ki shaphang kiei kiei kiba ijli kiba ki kpa jong ki, ki la leh.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

LEBITIKOS 16:29

Kine harum ki long ki jingbuhbeit ryntih kiba dei ban bud pateng la pateng. Ha ka sngi kaba shiphew jong u bnai uba hynñiew, ki Israel bad ki nongwei kiba shong ryngkat bad ki, ki dei ban shahjingit bad ban ym trei ïa kano kano ka kam.

LEBITIKOS 26:40

“Hynrei ki khun ki ksiew jong phi kin phla ïa la ki pop jong ki bad ki pop jong ki kpa tymmen jong ki, kiba pyneh ïa nga bad ïaleh pyrshah ïa nga,

LOUKAS 15:18

Ngan ïeng joit bad leit sha i pa jong nga bad ong, “Ko pa, nga la leh pop pyrshah ïa U Blei bad pyrshah ïa phi.

JOSHUA 18:26

ka Mispah, ka Shephirah, ka Mosah,

NONGBISHAR 10:10

Nangta ki Israel ki kyang jam ha U Trai, ki da ong, “Ngi la leh pop pyrshah ïa me, namar ngi la iehnoh ïa me, U Blei jong ngi, bad ngi la mane ïa ki Baal.”

NONGBISHAR 10:15

Hynrei ki paid Israel ki ong ha U Trai, “Ngi la leh pop. Leh ïa ngi katba me mon; hynrei sngewbha, pyllait im ïa ngi ha kane ka sngi.”

NONGBISHAR 2:4

Haba u angel u la kren ïa kane, ki paid Israel baroh ki la sdang ban ïam,

NONGBISHAR 20:26

Nangta baroh ki briew ka Israel ki leit kiew sha Bethel bad ki ïamkthang. Ki shong hangta ha khmat U Trai bad kim shym bam ei ei haduh janmiet. Ki kñia ki jingainguh ïasyllok bad ki thang ïa ki jingainguh pynïasuk — baroh ha jingdon ryngkat U Trai.

NONGBISHAR 3:10

U Mynsiem jong U Trai u la wan ha u, bad u kylla long u nongïalam jong ki Israel. U Othniel u leit sha ka thma, bad U Trai u la ai ha u ka jingjop halor u syiem ka Mesopotamia.

1 SAMUEL 1:15

“Em kynrad, ngam shym buaid” ka la jubab. “Ngam shym dih! Nga jynjar sat bad nga dang duwai bad khlei lut ïa ki jingjynjar baroh ha U Trai.

1 SAMUEL 10:17

U Samuel u khot lang ïa ki briew sha ka jingïalang niam ha Mispah,

1 SAMUEL 12:10

Nangta ki kyang sha U Trai ban ïoh jingïarap, bad ki ong, ‘Ngi la leh pop, namar ngi la phai noh na me, ko Trai, bad ngi la mane ïa ki bleithaw jong u Baal bad ki Astarte. To pyllait ïa ngi na ki nongshun jong ngi, bad ngin mane ïa me!’

1 SAMUEL 7:15

U Samuel u synshar ïa ki Israel katba u dang im.