1 SAMUEL 7:3 - Khasi CL Bible (BSI)

³ U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”

KA BAIBL

³ Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”

1 SAMUEL 7:3 ပူးပေါင်းရင်းမြစ်များ

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 8:48

Lada ha kata ka ri ki kylla-kaba-mut da kaba shisha bad kaba sngur mynsiem, bad ki duwai ha me da kaba phai khmat sha kane ka ri kaba me la ai ha ki kpa tymmen jong ngi, sha kane ka nongbah kaba me la jied, bad sha kane ka Templ ïa kaba nga la tei na ka bynta jong me, to shahshkor ïa ki jingduwai jong ki.

2 SYIEM 17:39

Phi dei ban kohnguh ïa nga, U Trai U Blei jong phi, bad ngan pyllait im ïa phi na ki nongshun jong phi.”

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

1 KHRONIKL 22:19

Mynta, shakri ïa U Trai U Blei jong phi ïa ka dohnud bad ka mynsiem jong phi baroh. Sdang noh ban tei ïa ka Templ, khnang ba phi lah ban buh ha ka ïa ka Synduk ka Jutang U Trai bad ïa baroh kiwei pat ki tiar bakyntang ba ju pyndonkam ha kaba mane ïa u.”

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 19:3

Hynrei la katta ruh, ka dang don katto katne ka jingbha ha phi. Phi la weng baroh ki dur jong ka blei Asherah kaba ki briew ki mane, bad phi la pyrshang ban bud ïa ka mon U Blei.”

2 KHRONIKL 20:33

hynrei ïa ki jaka mane ba-thala ym shym la pynjot. Ki briew kim pat shym la phai da ka dohnud baroh ban shakri ïa U Blei jong ki kpa tymmen jong ki.

2 KHRONIKL 30:19

U syiem Hesekaïah u la duwai ïa kane ka jingduwai na ka bynta jong ki: “A U Trai U Blei jong ki kpa tymmen jong ngi, ha ka jingbha ka jong Me, to map ïa kito kiba mane ïa me da la ka dohnud baroh, wat la kim long kiba khuid kat kum ka jinglehniam.”

PROBERB 16:1

Ngi lah ban don ki jingthmu, hynrei khatduh ka rai ka dei jong U Blei.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

ESEKIEL 14:6

“Mynta te, to ïathuh ïa ki Israel ïa kaei kaba ma nga, U Trai Nongsynshar nga ong: To phai noh bad ieh ïa ki bleithaw ba-ijli jong phi.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

MATHAÏOS 15:8

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

LOUKAS 4:8

U Jisu u la jubab, “Ka Jingthoh Bakhuid ka ong, ‘To mane ïa U Trai uba U Blei jong me bad shakri tang ïa u!’ ”

ÏOANNIS 4:24

U Blei u long U Mynsiem, bad tang ha ka bor U Mynsiem jong u ba ki briew ki lah ban mane ïa u kumba u long hi.”

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 13:4

Bud ïa U Trai bad tiengburom ïa u; kohnguh ïa u bad sumar ïa ki hukum jong u; mane ïa u bad ïaineh ha u.

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

JOSHUA 13:31

Ka kynthup shiteng jong ka Gilead, lem ruh bad ka Ashtaroth bad Edrei, ki nongbah jong ka hima u Og ha Bashan. Ïa kane baroh la ai ha kaba shiteng jong ki longïing kiba hiarpateng na u Makhir u khun jong u Manasseh.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

JOSHUA 24:23

“Te kumta, iehnoh syndon ïa kito ki blei nongwei kiba phi don,” u la dawa, “bad kular skhem ïa ka jingïaineh jong phi sha U Trai, U Blei ki Israel.”

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.

NONGBISHAR 10:6

Sa shisien pat ki Israel ki la leh pop pyrshah ïa U Trai da kaba mane ïa ki Baal bad ïa ki Astarte, lem bad ïa ki blei jong ki Syria, jong ki Sidon, jong ki Moab, jong ki Ammon, bad jong ki Philistia. Ki la iehnoh ïa U Trai bad ki la sangeh ban mane ïa u.

NONGBISHAR 2:11

Nangta ki paid Israel ki la leh pop pyrshah ïa U Trai bad ki la sdang ban shakri ïa ki Baal.

NONGBISHAR 2:13

Ki la sangeh ban mane ïa U Trai bad ki la shakri ïa ki blei Baal bad Astarte.

1 SAMUEL 31:10

Nangta ki buh ïa ki tiar ïapom jong u ha ka ïing mane jong ka blei Astarte, bad ki sahnar ïa ka met jong u ha ka kynroh jong ka nongbah Beth Shan.