1 SAMUEL 7:10 - Khasi CL Bible (BSI)

¹⁰ Katba u Samuel u dang ai ïa ka jingkñia, ki Philistia ki tur sha jan ban ïaleh; hynrei hangta U Trai u kyrhuh kum u pyrthat na bneng pyrshah ïa ki. Ki la shaïong ngaiñ, bad ki la phet krad ha ka jingkulmar.

KA BAIBL

¹⁰ Bad katba u Samuel u dang ainguh ïa kata ka jingainguh thang, ki Philistia ki la ïawan hajan ïa ka ban ïaleh ïa ki Israel: hynrei, U Trai u la tied pyrthat da ki pyrthat kiba khraw halor ki Philistia ha kata ka sngi, bad u la pynjot noh ïa ki; bad la pynïap ïa ki ha khmat ki Israel.

1 SAMUEL 7:10 ပူးပေါင်းရင်းမြစ်များ

SALM 18:15

Ïa ka trai duriaw la pynlyngkhuit, bad ïa ki nongrim ka khyndew la pynpaw, haba me la sneng tyngeh ïa ki nongshun, A Trai, bad me byrthen ïa ki ha ka jingbitar.

SALM 29:3

Ka sur jong U Trai ka sawa ha ki duriaw; U Blei badonburom u kyrhuh, bad ka sur jong u ka sawa halor ki duriaw-bah.

SALM 29:4

Ka sur jong U Trai ka sawa ha ka bor bad ka jingkhraw jong ka baroh.

SALM 78:66

U la beh krad ïa ki nongshun jong u ha ka jingshahjop kaba neh bad kaba sngewlehrain.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

DEUTERONOMI 28:7

“U Trai un pynlong ïa ki nongshun jong phi ba kin shahjop haba ki wan ïaleh pyrshah ïa phi. Kin wan tur na kawei ka dong, hynrei kin sa her ïap na baroh ki dong.

JOSHUA 10:10

U Trai u la pynkulmar jingmut ïa ki Amor ha ka jingïohi ïa ka kynhun shipai Israel. Ki Israel ki pynïap ïa ki ha Gibeon bad ki la beh ïa ki arsut ïa ka khim lum ha Beth Horon, da kaba ïai ïaleh shaduh shaphang shathie ha Asekah bad Makkedah.

NONGBISHAR 4:15

Haba u Barak u tur ïaleh lem bad la ka kynhun shipai, U Trai u buh ïa u Sisera ha ka jingshaïong jingmut lem bad ki kulai ïapom bad ki rangbah jong u baroh. U Sisera u hiar na la ka kali ïapom bad u phet ïap da ka kjat.

NONGBISHAR 5:20

Ki khlur ki ïaleh na sahit bneng; Katba ki dang ïaid sha shiliang ka sahit bneng, Ki la ïaleh pyrshah ïa u Sisera.

NONGBISHAR 5:8

Nangta la don ka thma ha ka ri, Haba ki Israel ki jied ki blei thymmai. Na ki sawphew hajar ngut ki rangbah ha Israel Don mano mano ba rah ïa ka stieh ne u sum?

1 SAMUEL 12:17

Mynta ka dei ka aïom rang ryngkhiang, ym dei? Hynrei ngan duwai, bad U Trai un phah ïa u pyrthat bad u slap. Haba kane ka wan jia, phin sa sngewthuh haduh katno phi la leh pop pyrshah ïa U Trai mynba phi pan syiem na u.”

1 SAMUEL 14:15

Baroh ki Philistia ha ki nongkyndong ki la sheptieng; ki nonglute bad ki shipai ha ka jaka sher dara ki khynñiuh da ka jingsheptieng; ka khyndew ka khynñiuh, bad ka la don ka jingkulmar jingmut kaba khraw.

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”

1 SAMUEL 7:11

Ki Israel ki mih na Mispah bad ki beh kthong ïa ki Philistia, bad ki pynïap ïa ki lynter lynti haduh Bethkar.