1 SAMUEL 6:5 - Khasi CL Bible (BSI)

⁵ Phi dei ban thaw ïa ki dur jong u thung bad ki dur khnai kiba la pynjulor ïa ka ri jong phi, bad phi dei ban ai burom ïa U Blei ki Israel. Lehse un sa sangeh noh na kaba pynshitom ïa phi, ïa ki blei jong phi, bad ïa ka ri jong phi.

KA BAIBL

⁵ Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.

1 SAMUEL 6:5 ပူးပေါင်းရင်းမြစ်များ

1 KHRONIKL 16:28

Ïaroh ïa U Trai, baroh ki jaitbynriew ka pyrthei, ïaroh ïa ka burom bad ka bor jong u.

1 KHRONIKL 16:29

Ïaroh ïa ka kyrteng badonburom U Trai; wallam ka jingainguh bad wan sha ka Templ jong u. To dem ha khmat Uba Khuid haba u wanpaw;

SALM 18:44

Ki nongwei ki dem ngon ha khmat jong nga; haba ki ïohsngew ïa nga, ki kohnguh.

SALM 32:4

Mynsngi bad mynmiet me pynshitom ïa nga, A Trai; ka jingkhlaiñ jong nga ka la tyrkhong lut kum ka umjer ba la ryngkhiang da ka jingshit ka lyiur.

SALM 39:10

Wat pynshitom shuh ïa nga; nga la jan ïap na ki jingshoh jong me.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 8:17

Kumta u Aaron u shoh ïa ka khyndew da la u diengduh; te u pui pui baroh ha Ijipt u kylla mait, bad kumta la boi da u mait ha u briew bad ha u mrad.

EKSODOS 8:24

Bad U Trai u leh kumta; ki skain da ki kynhun bah ki wan rung hapoh ïing jong u Pharaoh bad hapoh ïing jong ki rangbah synshar jong u. Ka ri Ijipt baroh kawei ka julor ha kita ki skain.

EKSODOS 8:5

U Trai u la ong ha u Moses, “Ong ïa u Aaron ba un rah ïa la u diengduh halor ki wah, halor ki nur-um, bad halor ki pung-um, bad pynmih ïa ki jakoid ba kin pyndap ïa ka ri Ijipt.”

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 42:12

Ai ba kito kiba shong ha ki ri bajngai kin ai ka jingïaroh bad ka burom ïa U Trai.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JOEL 2:25

Ngan ai pat ha phi ïa kaei kaba phi la duh noh ha ki snem mynba ki kynhun jong ki puit ki la bam ïa ki jingthung jong phi. Dei ma nga uba la phah ïa kane ka kynhun pyrshah ïa phi.

JONAH 3:9

Lehse U Blei un kylla ka jingmut jong u; lehse un sangeh noh na kaba bitar, bad ngin ym ïap!”

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

JINGKHEIÑ 33:4

kiba dang ïatep ïa la ki khun shynrang kiba la kha nyngkong kiba U Trai u la pynïap. Da kaba leh ïa kane, U Trai u la pyn-i ba u long uba kham khrawbor ban ïa ki blei jong ka Ijipt.

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 16:9

La thang ïa ki da ka jingshit tyrha kaba jur, bad ki la tim ïa ka kyrteng jong U Blei, uba don ka bor halor kine ki khlam. Hynrei kim shym phai noh na ki pop jong ki bad ïaroh ïa ka jingkhraw jong u.

1 SAMUEL 5:11

Kumta sa shisien pat ki khot lang ïa ki syiem Philistia baroh bad ki ong, “Pynphai noh ïa kane ka Synduk ka Jutang jong U Blei ki Israel sha ka jaka jong ka, ba kumta kan ym pynïap ïa ngi bad ïa ki longïing jong ngi.” La don ka jingkulmar baroh kawei ka nongbah namar ba U Blei u la pynshitom jur ïa ki.

1 SAMUEL 5:9

Hynrei ynda ka la poi hangta, U Trai u pynshitom sa ïa kata ka nongbah ruh bad u pynkhih kulmar ïa ka. U pynshitom ïa ki da ki jingpang thung kiba mih ha baroh ki briew jong ka nongbah, ki samla bad tymmen kumjuh.

1 SAMUEL 6:8

Shim ïa ka Synduk ka Jutang U Trai, buh ïa ka ha kata ka kali, bad thep ha kawei ka synduk kaba ha syndah jong ka ïa kita ki dur kiba da ka ksiar ba phi phah sha u kum ka jingainguh namar ki pop jong phi. Pyllait ïa ka kali ha ka lynti jong ka bad ieh kan leit hi.