1 SAMUEL 6:18 - Khasi CL Bible (BSI)

¹⁸ Ki phah ruh ïa ki dur khnai kiba da ka ksiar, uwei na ka bynta kawei kawei ka nongbah ba la synshar da ki san ngut ki syiem Philistia, ki shnong ba la ker kynroh bad ki bym shym la ker kynroh. Uta u mawbah ha ka lyngkha u Joshua uba ha Beth Shemesh, ha uba ki buh ïa ka synduk ka Jutang, u dang don hangta kum u sakhi haduh kane ka sngi ïa kaei kaba la jia.

KA BAIBL

¹⁸ bad kita ki khnai ksiar, katba kum ka jingkheiñ ki nongbah ki Philistia baroh kiba la dei ha kita ki san ngut ki doloi, kita ki nongbah ba la ker kynroh bad ki nongrit kiba khlem kynroh ruh: haduh uta u mawbah, ha uba ki la buh ïa ka synduk U Trai, uta u maw u dang sah haduh kane ka sngi keiñ ha ka lyngkha u Joshua u nong Beth-shemesh.

1 SAMUEL 6:18 ပူးပေါင်းရင်းမြစ်များ

DEUTERONOMI 3:5

Kine ki shnong baroh ki long kiba la kerkut skhem da ki kynroh kiba jrong, ki khyrdop, bad ki nar-khang khyrdop, bad don ruh bun ki shnong ki bym don kynroh.

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

1 SAMUEL 6:4

“Ka jingai sngewbha aïu ngin phah ïa u?” Ki briew ki kylli. Ki la jubab, “San tylli ki dur jong u thung kiba da ka ksiar bad san tylli ki dur khnai kiba da ka ksiar, na ka bynta uwei pa uwei u syiem Philistia. Ïa kajuh ka khlam la pynngat ha phi baroh bad ha baroh san ngut ki syiem.