1 SAMUEL 6:17 - Khasi CL Bible (BSI)

¹⁷ Kine ki dur u thung kiba da ka ksiar ba ki Philistia ki phah pat kum ka jingainguh namar ka jingpalat sha U Trai ki long na ka bynta kawei pa kawei ka shnong: Ka Ashdod, ka Gasa, ka Ashkelon, ka Gath, bad ka Ekron.

KA BAIBL

¹⁷ Bad kita ki dur ki jingat lang snam da ka ksiar kiba ki Philistia ki la ai ban long ka jingainguh namar ka jingpalat ha U Trai ki long kine; namar ka Ashdod kawei, namar ka Gasa kawei, namar ka Ashkelon kawei, namar ka Gath kawei, namar ka Ekron kawei;

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Wat pynbna ïa ka ha Gath lane ha ki surok ka Ashkelon. Wat pynlong ïa ki kynthei Philistia ban kmen, wat ai ba ki khun kynthei jong ki bymngeit blei kin risa.

2 SAMUEL 21:22

Kine saw ngut ki long ki khun ki ksiew jong ki ramhah ka Gath, bad ki la shah pynïap ha u Dabid bad ha ki rangbah jong u.

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

2 KHRONIKL 26:6

U Ussaïah u leit ïaleh thma pyrshah ïa ki Philistia. U pyntwa ïa ki kynroh jong ki nongbah jong ka Gath, ka Jamnia, bad ka Ashdod; bad u tei ïa ki shnong ba la ker kynroh hajan ka Ashdod bad ha ki jaka basah jong ki Philistia.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

AMOS 1:6

U Trai u ong, “Ki briew ka Gasa ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh bad die noh ïa ki kum ki mraw ha ki briew ka Edom.

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.

NONGBISHAR 1:18

U Trai u la ïarap ïa ki paid Judah, bad ki la shim kynti ïa ka ri lum. Hynrei kim shym la kurup ïa ka Gasa, ka Ashkelon, lane ka Ekron lem bad ki jaka sawdong jong ki. Kine ki briew kiba shong basah harud duriaw ki don ïa ki kali ïapom da ka nar, bad kumta ki paid Judah kim shym la lah ban beh krad ïa ki.

NONGBISHAR 14:19

Hangta hi ka bor jong U Trai ka pynshaitbor ïa u, bad u leit hiar sha Ashkelon, ha kaba u pynïap laiphew ngut ki rangbah, u law ïa ki jaiñ jong ki, bad u ai ïa ki jaiñkup baremdor ha kita ki shynrang kiba batai ïa kata ka jingkyntip. Hadien kata, u leit phai noh sha la ïing, da kaba bitar halor kaei kaba la jia,

NONGBISHAR 16:1

Ha kawei ka sngi u Samson u leit sha Gasa, ka shnong ki Philistia, hangta u ïakynduh ïa ka nuti bad u leit ïathiah bad ka.

NONGBISHAR 16:21

Ki Philistia ki kem ïa u bad ki khlaw ïa ki khmat jong u. Ki ïalam ïa u sha Gasa, ki teh ïa u da ki kynjri rnong, bad ki pyntrei ïa u ha ka kor tylliat hapoh byndi.

1 SAMUEL 5:1

Hadien ba ki Philistia ki la ïohknieh ïa ka Synduk ka Jutang, ki kit ïa ka na Ebeneser sha ka nongbah jong ki ha Ashdod,

1 SAMUEL 5:10

Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”

1 SAMUEL 5:8

Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.

1 SAMUEL 6:4

“Ka jingai sngewbha aïu ngin phah ïa u?” Ki briew ki kylli. Ki la jubab, “San tylli ki dur jong u thung kiba da ka ksiar bad san tylli ki dur khnai kiba da ka ksiar, na ka bynta uwei pa uwei u syiem Philistia. Ïa kajuh ka khlam la pynngat ha phi baroh bad ha baroh san ngut ki syiem.