1 SAMUEL 6:16 - Khasi CL Bible (BSI)

¹⁶ Ki san ngut ki syiem Philistia ki peit ïa ki ba ki leh ïa kane bad hangta ki leit phai pat sha Ekron ha kata hi ka sngi.

KA BAIBL

¹⁶ Te haba kita ki san ngut ki doloi ki Philistia ki la ïohi ïa kata, ki la leit wan noh sha Ekron ha kata ka sngi.

1 SAMUEL 6:16 ပူးပေါင်းရင်းမြစ်များ

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

NONGBISHAR 16:5

Ki san ngut ki syiem Philistia ki leit sha ka bad ki ong, “Khroh ïa u Samson ban ïathuh ha pha balei ba u long uba khlaiñbor bad kumno ngin lah ban jop ïa u, khum ïa u bad pynlong ba un ym lah leh ei ei shuh. Uwei pa uwei na ngi un ai ïa pha mar shihajar shispah tylli ki sbai rupa.”

NONGBISHAR 3:3

Kito kiba dang sah ha kata ka ri ki long ki san ngut ki syiem Philistia, ki Kanaan baroh, ki Sidon, bad ki Hib kiba shong ha ki Lum Lebanon naduh u Lum Baal Hermon haduh ka Khim Hamath.

1 SAMUEL 5:10

Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”

1 SAMUEL 6:12

Kita ki masi kynthei ki leit beit beit shaphang Beth Shemesh, bad khlem da phai na ka lynti ba ki leit, ki da pah artat katba ki dang leit. Ki san ngut ki syiem Philistia ki bud nadien jong ki haduh u pud jong ka Beth Shemesh.

1 SAMUEL 6:4

“Ka jingai sngewbha aïu ngin phah ïa u?” Ki briew ki kylli. Ki la jubab, “San tylli ki dur jong u thung kiba da ka ksiar bad san tylli ki dur khnai kiba da ka ksiar, na ka bynta uwei pa uwei u syiem Philistia. Ïa kajuh ka khlam la pynngat ha phi baroh bad ha baroh san ngut ki syiem.