1 SAMUEL 6:14 - Khasi CL Bible (BSI)

¹⁴ Kata ka kali ka wan sha ka lyngkha jong u briew uba kyrteng u Joshua, uba shong ha Beth Shemesh, bad ka sangeh hajan u mawbah. Kita ki briew ki pom lyngkhot ïa kata ka kali dieng, ki pynïap ïa kita ki masi kynthei bad ki kñia ïa ki kum ka jingainguh thang ha U Trai.

KA BAIBL

¹⁴ Te kata ka kali ka la poi sha ka lyngkha u Joshua u nong Beth-shemesh, bad ka la sangeh hangta, ha kaba la don u maw uba heh: ki te ki la thlieh ïa ki dieng jong kata ka kali, bad ki la kñia ainguh ïa kita ki masi ban long ka jingainguh thang ha U Trai.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Ha kata kajuh ka sngi u Gad u la leit sha u Dabid, bad u ong ha u, “Khie leit shatei sha ka jaka shoh kew jong u Araunah bad tei ka duwan ïa U Trai.”

2 SAMUEL 24:22

“Syiem Kynrad, to shim ïa ka,” u Araunah u ong, “bad to kñia ha U Trai ïa kano kano kaba phi mon. Kine hangne ki masi dab ban thang kum ka jingainguh halor ka duwan; kine hangne ki dei ki lyngkor jong ki bad ka lyntang shoh kew ban pyndonkam kum ka diengthang.”

2 SAMUEL 24:25

Nangta u la thaw ka duwan ïa U Trai bad u la ai ki jingainguh thang bad ki jingainguh jingïasyllok. U Trai u la jubab ïa ka jingduwai jong u, bad ka jingïapthem ha Israel ka la sangeh.

1 SYIEM 19:21

Nangta u Elisha u la leit sha ki shi jur ki masi dab jong u, u pynïap ïa ki masi dab bad u shet ïa ka doh da kaba pyndonkam ïa ka lyngkor kum ki diengthang ban pynmeh ding. U ai ïa ka doh ha ki briew bad ma ki ruh ki bam ïa ka. Hadien kata u leit ban bud ïa u Elijah kum u nongïarap jong u.

EKSODOS 20:24

Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

NONGBISHAR 21:4

Dang step ha ka sngi kaba bud ki paidbah ki tei ïa ka duwan hangta, ki ai ïa ka jingkñia ïasyllok bad thang ïa ki jingainguh pynïasuk.

NONGBISHAR 6:26

Tei ka duwan kaba la shna bha ïa U Trai U Blei jong me ha kliar kane ka kynton. Nangta shim ïa u masi kyrtong uba ar bad thang tylli ïa u kum ka jingainguh, da kaba pyndonkam diengthang da ki dak jong ka Asherah ïa kaba me la pynkhyllem.”

1 SAMUEL 11:5

Ha kata ka por, u Saul u dang shu wan ñiah ïa la ki masi lur na lyngkha; u kylli, “Kaei kaba la jia? Balei ba ki briew ki ïalynñiar katta katta?” Ki ïathuh ha u ïa ka khubor ba ki rangbah na Jabesh ki wanrah.

1 SAMUEL 20:29

‘Sngewbha, shah ba ngan leit,’ u ong, ‘namar ki ba-ha-ïing ha-sem jong ngi ki pynlong ka jingkhawai jingkñia ha shnong, bad u hynmen jong nga u la hukum ba nga dei ban don hangta. Te kumta, lada phi long u paralok jong nga, shah ba ngan leit jngoh ïa la ki kur ki jait.’ Dei namar kata ba um shym la don ha la ka jaka ha ka miej bam jong phi.”

1 SAMUEL 6:13

Ki nong Beth Shemesh ha kata ka por ki dang ïa-ot kew ha them, bad kynsan haba ki khmied ki la ïohi ïa ka Synduk ka Jutang. Ki dap da ka jingkmen haba ki ïohi ïa ka.

1 SAMUEL 6:18

Ki phah ruh ïa ki dur khnai kiba da ka ksiar, uwei na ka bynta kawei kawei ka nongbah ba la synshar da ki san ngut ki syiem Philistia, ki shnong ba la ker kynroh bad ki bym shym la ker kynroh. Uta u mawbah ha ka lyngkha u Joshua uba ha Beth Shemesh, ha uba ki buh ïa ka synduk ka Jutang, u dang don hangta kum u sakhi haduh kane ka sngi ïa kaei kaba la jia.