1 SAMUEL 5:8 - Khasi CL Bible (BSI)

⁸ Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.

KA BAIBL

⁸ Namar kata, ki la phah ïalum lang sha ki, ïa ki doloi ki Philistia baroh, bad ki la ïa-ong, “Ngin leh kumno ïa kane ka synduk U Blei ki Israel?” Ki te ki la ong, “Ai ba yn bah noh ïa kata ka synduk U Blei ki Israel sha Gath.” Te ki la ïabah noh ïa ka synduk U Blei ki Israel shata.

1 SAMUEL 5:8 ပူးပေါင်းရင်းမြစ်များ

1 KHRONIKL 7:21

U Ephraim u don sa ar ngut ki khun shynrang nalor u Shuthelah: u Eser bad u Elead, kiba la shah pynïap haba ki la pyrshang ban tuh ïa ki jingri kiba dei jong ki traishnong jong ka Gath.

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

JOSHUA 15:11

Nangta u pud u suh sha u lum shaphang shatei jong ka Ekron, u phai sha ka Shikkeron, lyngba u Lum Baalah, bad ter ter sha Jamnia. U kut ha ka Duriaw Mediterranian,

1 SAMUEL 17:4

U briew uba kyrteng u Goliath, uba na ka shnong Gath, u wan mih na ka jaka sher dara ki Philistia ban kob ïa ki Israel. U jrong kumba lai mitar

1 SAMUEL 17:52

Ki shipai Israel bad Judah ki risa shaid bad ki mareh nadien jong ki, ki beh kthong haduh Gath bad shaduh ki khyrdop ka Ekron. Ki Philistia ki la kyllon mynsaw baroh shi lynter lynti naduh Shaaraim, haduh Gath bad Ekron.

1 SAMUEL 29:6

U Akhish u khot ïa u Dabid, bad u ong ha u, “Nga smai ha U Blei uba im jong ki Israel ba phi long uba hok ïa nga; bad nga hi nga sngewdei ba phin leit ryngkat bad nga sha ka thma; naba ngam shym la shem kano kano ka jingbakla ha phi naduh ka sngi ba phi wan sha nga haduh kane ka sngi. Hynrei kiwei pat ki syiem kim pdiang ïa phi.

1 SAMUEL 5:11

Kumta sa shisien pat ki khot lang ïa ki syiem Philistia baroh bad ki ong, “Pynphai noh ïa kane ka Synduk ka Jutang jong U Blei ki Israel sha ka jaka jong ka, ba kumta kan ym pynïap ïa ngi bad ïa ki longïing jong ngi.” La don ka jingkulmar baroh kawei ka nongbah namar ba U Blei u la pynshitom jur ïa ki.

1 SAMUEL 5:7

Haba ki la ïohi ïa kaei kaba jia, ki ong, “U Blei ki Israel u pynshitom ïa ngi bad ïa u Dagon u blei jong ngi. Ngin ym shah shuh ïa ka Synduk ka Jutang ban don sah hangne.”

1 SAMUEL 6:2

ki briew ki khot ïa ki lyngdoh bad ki nongleh myntor bad ki kylli, “Ngin leh kumno ïa kane ka Synduk ka Jutang U Trai? Lada ngi phah biang ïa ka sha ka jaka jong ka da-ei ngin phah ryngkat bad ka?”