1 SAMUEL 5:7 - Khasi CL Bible (BSI)

⁷ Haba ki la ïohi ïa kaei kaba jia, ki ong, “U Blei ki Israel u pynshitom ïa ngi bad ïa u Dagon u blei jong ngi. Ngin ym shah shuh ïa ka Synduk ka Jutang ban don sah hangne.”

KA BAIBL

⁷ Te haba ki Ashdod ki la ïohi ba ka la long kumta, ki la ïa-ong, “Kane ka synduk U Blei ki Israel kan ym ïoh sah bad ngi: naba ka kti jong u ka pynshitom eh halor jong ngi, bad halor u blei jong ngi u Dagon.”

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Nangta u Dabid u la sheptieng ïa U Trai bad u ong, “Mynta kumno ngan lah ban shim ïa ka Synduk ka Jutang U Trai?”

1 KHRONIKL 15:13

Namar phim shym don hangta mynba la bah ïa ka ha ka sien kaba nyngkong, U Trai U Blei jong ngi u la pynshitom ïa ngi ba ngim shym mane ïa u kumba ka la dei ïa ngi ban leh.”

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 12:33

Kita ki nong Ijipt ki la kyrpad jur ïa ki Israel ban pynstet bad mihnoh na kata ka ri. “Ngin sa ïap lut lada phim leit noh,” ki ong.

EKSODOS 8:28

U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”

EKSODOS 8:8

U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

EKSODOS 9:28

To duwai ha U Trai! Ngi la shah la biang ïa une u pyrthat bad u phria! Nga kular ban pyllait ïa phi; phim donkam ban dang sah shuh hangne.”

JEREMAÏAH 46:25

U Trai Badonbor Baroh, U Blei ki Israel, u ong, “Ngan pynshitom ïa u Amon, u blei jong ki Thebes, ryngkat lang bad ka Ijipt bad ki blei bad ki syiem jong ka. Ngan shim noh ïa u syiem ka Ijipt bad ïa baroh kiba buh ïa ka jingshaniah ha u,

JEREMAÏAH 48:7

“Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

1 SAMUEL 4:8

Uei keiñ uba lah ban pyllait ïa ngi na kine ki blei kiba khlaiñbor? Kine ki dei kita ki blei kiba la shoh ïap ïa ki Ijipt ha ka ri shyiap!

1 SAMUEL 5:6

U Trai u la pynshitom jur ïa ki nong Ashdod bad u pyntriem ïa ki. U la pynshitom ïa ki bad ïa ki briew sawdong ka ri da kaba pynmih ha ki ïa ka jingpang thung.

1 SAMUEL 5:8

Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”