1 SAMUEL 5:6 - Khasi CL Bible (BSI)

⁶ U Trai u la pynshitom jur ïa ki nong Ashdod bad u pyntriem ïa ki. U la pynshitom ïa ki bad ïa ki briew sawdong ka ri da kaba pynmih ha ki ïa ka jingpang thung.

KA BAIBL

⁶ Bad ka kti U Trai ka la ban khia halor ki Ashdod, bad u la pynjot ïa ki bad u la pynngat ïa ka jingpang ba lang snam ha ki, ha Ashdod ruh bad ha ki phang jong ka.

1 SAMUEL 5:6 ပူးပေါင်းရင်းမြစ်များ

JENESIS 41:31

Ïa ka por ka jingpahuh yn klet lut baroh, namar ka 'nemsniew ka ban bud kan long kaba shyrkhei katta katta.

Ka Kitab U Job 31:3

U phah ïa ka jingjynjar bad jingpynjot ïa kito kiba leh bymhok.

SALM 145:20

U ïada ïa kito baroh kiba ieit ïa u, hynrei un pynjot ïa ki bymman.

SALM 147:6

U kyntiew ïa kiba sngewrit, hynrei u pynlwet ïa ki bymman ha ka khyndew.

SALM 32:4

Mynsngi bad mynmiet me pynshitom ïa nga, A Trai; ka jingkhlaiñ jong nga ka la tyrkhong lut kum ka umjer ba la ryngkhiang da ka jingshit ka lyiur.

SALM 78:66

U la beh krad ïa ki nongshun jong u ha ka jingshahjop kaba neh bad kaba sngewlehrain.

EKSODOS 9:3

ngan pynshitom ïa me da kaba phah ïa ka jingpang kaba shyrkhei ha ki jingri jong me baroh — ha ki kulai, ki kada, ki ut, ki masi, ki langbrot bad ki blang jong me.

KI KAM 13:11

Ka kti U Trai kan sa wan ha me mynta; men sa matlah bad men ym ïohi ïa ka jingshai jong ka sngi shipor.” Mar kumta hi u Elumas u la sngew ba u lyoh khyndew uba ïong u la tap ïa ki khmat jong u, bad u la ïaid kylleng da kaba pyrshang ban wad ïano ïano ban ïalam ïa u na ka kti.

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.

1 SAMUEL 5:11

Kumta sa shisien pat ki khot lang ïa ki syiem Philistia baroh bad ki ong, “Pynphai noh ïa kane ka Synduk ka Jutang jong U Blei ki Israel sha ka jaka jong ka, ba kumta kan ym pynïap ïa ngi bad ïa ki longïing jong ngi.” La don ka jingkulmar baroh kawei ka nongbah namar ba U Blei u la pynshitom jur ïa ki.

1 SAMUEL 5:7

Haba ki la ïohi ïa kaei kaba jia, ki ong, “U Blei ki Israel u pynshitom ïa ngi bad ïa u Dagon u blei jong ngi. Ngin ym shah shuh ïa ka Synduk ka Jutang ban don sah hangne.”

1 SAMUEL 5:9

Hynrei ynda ka la poi hangta, U Trai u pynshitom sa ïa kata ka nongbah ruh bad u pynkhih kulmar ïa ka. U pynshitom ïa ki da ki jingpang thung kiba mih ha baroh ki briew jong ka nongbah, ki samla bad tymmen kumjuh.