1 SAMUEL 5:3 - Khasi CL Bible (BSI)

³ Dang step phyrngab ha ka sngi kaba bud, ki briew ka Ashdod, ki la ïohi ïa u mot jong u Dagon ba u la kyllon da pyllup ha madan ha khmat ka Synduk ka Jutang U Trai. Kumta ki khyllie bad buh biang ïa u ha kajuh ka jaka.

KA BAIBL

³ Bad ki Ashdod ha kaba lashai ki la khie dang step, te ha khmih, u Dagon u la kyllon da pyrkup ha ka khyndew ha khmat kata ka synduk U Trai. Te ki la shim ïa u Dagon, bad ki la pynïeng pat ïa u ha la ka jaka.

1 SAMUEL 5:3 ပူးပေါင်းရင်းမြစ်များ

1 SYIEM 18:26

Ki la shim ïa u masi dab ba la wanrah sha ki, ki la pynkhreh ïa u, bad ki la duwai ha u Baal haduh shiteng sngi. Ki la pyrta jam, “Jubab ïa ngi, ko Baal!” bad ki la shad sawdong ïa ka duwan kaba ki la shna. Hynrei kim shym ïoh jubab.

SALM 115:7

Ki don ki kti, hynrei kim lah ban tba, bad ki kjat, hynrei kim lah ban ïaid; kim lah ban pynmih sur jingsawa.

SALM 97:7

Baroh kiba mane bleithaw kin shah pynlehrain, baroh ki blei ki dem ngon ha khmat jong U Trai.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 40:20

U briew u bym lah ïoh rupa ne ksiar u jied da ka dieng ka ban ym pyut. U shem ïa u nongtrei dieng batbit ban shna ïa ka dur ka ban ym kyllon.

ISAÏAH 41:7

U misteri u ong ïa u bania, ‘Me la lehbha!’ U briew uba shoh pynjlih ïa ka bleithaw u pynshlur ïa uwei uba sah preg ban pyndait lang ïa ka. Ki ong ‘ka jingpyndait ka long kaba bha’ — bad ki pynskhem ïa ka bleithaw ha ka jaka da ki preg.

ISAÏAH 46:7

Ki kyntiew ïa ka ha la ki tyrpeng bad rah ïa ka; ki buh ïa ka ha ka jaka jong ka, bad hangta ka ïeng, khlem lah ban khih na ka jaka ba ka don. Lada don uno uno ba duwai ha ka, kam lah ban jubab lane pyllait ïa u na ka jingjot.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

MARKOS 3:11

Bad man ba ki briew kiba don ki mynsiem bymkhuid ha ki, ki la ïohi ïa u, ki dem khrup ha khmat jong u bad ki lynñiar, “Me long U Khun U Blei!”

1 SAMUEL 6:1

Hadien ba ka Synduk ka Jutang U Trai ka la don ha ka ri ki Philistia hynñiew bnai,

1 SAMUEL 6:5

Phi dei ban thaw ïa ki dur jong u thung bad ki dur khnai kiba la pynjulor ïa ka ri jong phi, bad phi dei ban ai burom ïa U Blei ki Israel. Lehse un sa sangeh noh na kaba pynshitom ïa phi, ïa ki blei jong phi, bad ïa ka ri jong phi.