1 SAMUEL 5:10 - Khasi CL Bible (BSI)

¹⁰ Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”

KA BAIBL

¹⁰ Kumta, ki la phah lam noh ïa ka synduk U Blei sha Ekron. Te haba ka synduk U Blei ka la poi ha Ekron, ki Ekron ki la lynñiar, ki la ong, “Ki la wallam ïa kane ka synduk U Blei ki Israel ha ngi, ïa ka ban pynïap ïa ngi bad ïa ki briew jong ngi.”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

1 KHRONIKL 7:21

U Ephraim u don sa ar ngut ki khun shynrang nalor u Shuthelah: u Eser bad u Elead, kiba la shah pynïap haba ki la pyrshang ban tuh ïa ki jingri kiba dei jong ki traishnong jong ka Gath.

AMOS 1:8

Ngan weng noh ïa ki nongsynshar jong ki nongbah ka Ashdod bad ka Ashkelon. Ngan pynshitom ïa ka nongbah Ekron, bad ïa baroh ki Philistia kiba dang sah kin ïap.”

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

JOSHUA 15:11

Nangta u pud u suh sha u lum shaphang shatei jong ka Ekron, u phai sha ka Shikkeron, lyngba u Lum Baalah, bad ter ter sha Jamnia. U kut ha ka Duriaw Mediterranian,

JOSHUA 15:45

Don ka Ekron lem bad ki nongbah bad ki nongrit jong ka,

NONGBISHAR 1:18

U Trai u la ïarap ïa ki paid Judah, bad ki la shim kynti ïa ka ri lum. Hynrei kim shym la kurup ïa ka Gasa, ka Ashkelon, lane ka Ekron lem bad ki jaka sawdong jong ki. Kine ki briew kiba shong basah harud duriaw ki don ïa ki kali ïapom da ka nar, bad kumta ki paid Judah kim shym la lah ban beh krad ïa ki.

1 SAMUEL 17:52

Ki shipai Israel bad Judah ki risa shaid bad ki mareh nadien jong ki, ki beh kthong haduh Gath bad shaduh ki khyrdop ka Ekron. Ki Philistia ki la kyllon mynsaw baroh shi lynter lynti naduh Shaaraim, haduh Gath bad Ekron.

1 SAMUEL 5:11

Kumta sa shisien pat ki khot lang ïa ki syiem Philistia baroh bad ki ong, “Pynphai noh ïa kane ka Synduk ka Jutang jong U Blei ki Israel sha ka jaka jong ka, ba kumta kan ym pynïap ïa ngi bad ïa ki longïing jong ngi.” La don ka jingkulmar baroh kawei ka nongbah namar ba U Blei u la pynshitom jur ïa ki.

1 SAMUEL 5:9

Hynrei ynda ka la poi hangta, U Trai u pynshitom sa ïa kata ka nongbah ruh bad u pynkhih kulmar ïa ka. U pynshitom ïa ki da ki jingpang thung kiba mih ha baroh ki briew jong ka nongbah, ki samla bad tymmen kumjuh.

1 SAMUEL 6:1

Hadien ba ka Synduk ka Jutang U Trai ka la don ha ka ri ki Philistia hynñiew bnai,