1 SAMUEL 4:3 - Khasi CL Bible (BSI)

³ Ynda ki shipai kiba lait im ki wan phai sha ka jaka shong dara, ki nongïalam jong ki Israel ki ong, “Balei keiñ U Trai u shah ba ki Philistia kin jop ïa ngi mynta ka sngi? Ïa ngin ïaleit bad wanrah ïa ka Synduk Ka Jutang U Trai na Shiloh, ba kumta un leit lem bad ngi bad pyllait im ïa ngi na ki nongshun jong ngi.”

KA BAIBL

³ Te ynda kita ki paidbah ki la ïawan sha ka jaka shong dara, ki tymmen basan jong ki Israel ki la ïa-ong, “Balei U Trai u la shoh ïa ngi mynta ha khmat ki Philistia? Ïa ngin ïaleit shim sha ngi na Sheiloh ïa ka synduk ka jutang U Trai, ba kan wan hapdeng jong ngi, ïa ka ban pynim ïa ngi na ka kti ki nongshun jong ngi.”

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Nangta u syiem u ong ha u Sadok, “Khie leit rah biang ïa ka Synduk ka Jutang sha ka nongbah. Lada U Trai u sngewbha ïa nga, shisien ka sngi un shah ba ngan wan biang ban ïohi ïa ka bad ïa ka jaka ha kaba ka don.

1 KHRONIKL 17:1

U syiem Dabid mynta u shong ha ka ïingsyiem jong u. Ha kawei ka sngi u phah khot ïa u Nathan u nongïathuhlypa bad ong ha u, “Hangne nga shong ha ka ïing ba la thaw da ki dieng Kedar, hynrei ïa ka Synduk ka Jutang U Trai la buh ha ka ïingjaiñ!”

SALM 74:1

Balei ba me la iehnoh ïa ngi kumne, A Blei? Hato men bitar ïa ki briew jong me hi junom?

SALM 74:11

Balei ba me la kyntait ban ïarap ïa ngi? Balei ba me buh ïa ki kti jong me shadien jong me?

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 58:3

Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.

ISAÏAH 59:1

Wat pyrkhat ba U Trai u tlot palat ban pynim ïa phi lane ba u kyllut palat ban ïohsngew ïa ka jingkyang jong phi ban ïoh jingïarap!

ISAÏAH 59:2

Ka dei namar ki pop jong phi ba um shym ïohsngew ïa phi. Ka dei ki pop jong phi kiba pynïakhlad ïa phi na U Blei haba phi pyrshang ban mane ïa u.

JEREMAÏAH 3:16

Nangta haba phi la ïaroi bun ha kata ka ri, ki briew kin ym ïakren shuh shaphang ka Synduk ka Jutang jong nga. Kin ym pyrkhat shuh shaphang jong ka lane kynmaw ïa ka; kin ym donkam shuh ïa ka, lymne kin ym shna sa kawei pat.

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

JINGKHEIÑ 10:35

Ha man ka por ba ka Synduk ka Jutang ka mihnoh, u Moses un ong, “To ïeng, Trai; pynsakma ïa ki nongshun jong me bad pynher krad ïa kito kiba isih ïa me!”

JINGKHEIÑ 31:6

U Moses u la phah ïa ki sha ka thma ha ka jingïalam u Phinehas u khun jong u Eleasar u lyngdoh, uba khmih ïa ki tiar kiba kyntang bad ïa ki turoi ban ai dak ha ka thma.

DEUTERONOMI 29:24

Te ka pyrthei baroh kawei kan sa kylli, ‘Balei keiñ U Trai u la leh haduh katne ïa ka ri jong ki? Na ka daw aïu mo ba u bitar shla haduh katne?’

DEUTERONOMI 31:26

“Shim ïa kane ka kitab ka Aiñ U Blei bad buh ïa ka ha syndah ka Synduk ka Jutang U Trai U Blei jong phi, ba kan don hangta kum ka sakhi pyrshah ïa ki briew jong u.

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”

JOSHUA 7:7

Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!

JOSHUA 7:8

Aïu nga lah ban ong, A Trai, mynta ba ki Israel ki la kynran dien na u nongshun?

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

JUDAH 1:5

Naba wat ba phi la tip ïa kane baroh, nga kwah ban pynkynmaw biang ïa phi ba kumno U Trai u la pyllait im shisien ïa ki paid Israel na ka ri Ijipt, hynrei hadien, u la pynjot ïa kito ki bym shym la ngeit.

1 SAMUEL 1:24

Hadien ba ka la pyniehnoh buiñ ïa u, ka leit ïalam ïa u sha Shiloh ryngkat bad uwei u masi uba dang lai snem, shiphew kilo u 'purew, bad shi pla snieh ka waiñ. Ka ïalam ïa u Samuel, wat la u dang khynnah eh, sha ka ïing U Trai ha Shiloh.

1 SAMUEL 14:18

“Wallam hangne ïa ka Ephod,” u Saul u ong ha u Ahijah u lyngdoh. (Ha kata ka sngi u Ahijah u dang rah ïa ka ha khmat ki paid Israel.)

1 SAMUEL 4:2

Ki Philistia ki tur ïaleh pyrshah bad hadien ka jingïaleh kaba jur ki jop ïa ki Israel bad ki pynïap ha ka madan thma kumba saw hajar ngut ki rangïapom.