1 SAMUEL 4:10 - Khasi CL Bible (BSI)

¹⁰ Ki Philistia ki la ïaleh tyngeh bad ki la jop ïa ki Israel, kiba phet ïap sha la ki ïing. Ka la don ka jingshah pynïap kaba khraw: Laiphew hajar ngut ki shipai Israel ki shah pynïap.

KA BAIBL

¹⁰ Bad ki Philistia ki la ïaleh, bad la jop noh ïa ki Israel, bad ki la phet ïap noh uwei uwei baroh sha la ka ïingjaiñ: te ka la long ka jingpynïap kaba khraw eh; naba la kyllon na ki Israel laiphew hajar ki shipai ba ïaleh na tbian.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Ki la shim ïa ka met jong u Absalom, ki la bret ïa ka ha ka thliew bajylliew hapoh ka khlaw, bad ki la tep ïa ka da ka kynton maw kaba khraw. Baroh ki Israel ki phet krad sha la shnong.

2 SAMUEL 18:7

Ki Israel ki la shahjop ha ki rangbah jong u Dabid; ka long ka jingshahjop kaba sngewshyrkhei, ha kaba la pynïap arphew hajar ngut ki rangbah ha kata ka sngi.

2 SAMUEL 19:8

Nangta u syiem u ïeng joit, bad u leit shong hajan ka khyrdop shnong. Ki rangbah jong u ki ïohsngew ba u don hangta, bad baroh ki la ïalumlang sawdong jong u. Ha kajuh ka por, ki Israel baroh ki la phet krad sha la ki jong ki ïing.

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

1 SYIEM 22:36

Haba la jan sep sngi, la wan ka hukum ha ka kynhun ïapom ki Israel, “Uwei pa uwei u briew un leit phai noh sha ka la ri bad ka nongbah!”

2 SYIEM 14:12

Ki shipai u Amasaïah ki shahjop, bad baroh ki shipai jong u ki phet krad sha la ki ïing.

2 KHRONIKL 13:17

U Abijah bad ka kynhun shipai jong u ki thom ïa ki Israel da ka jingjop kaba khraw — shiteng na ki shipai bakynsai ka Israel ki la shah pynïap.

2 KHRONIKL 25:22

ka kynhun shipai Judia ka la shahjop, bad ki shipai ki la phet sha la ki ïing.

SALM 78:9

Ki Ephraim, kiba la kieng atiar da ki ryntieh bad ki khnam, ki phet krad ha ka sngi ïaleh thma.

JEREMAÏAH 7:12

Khie leit sha Shiloh, ka jaka kaba nyngkong ha kaba nga la jied ba yn mane, bad peit aïu nga la leh ïa ka namar ki pop jong ki briew jong nga ki Israel.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

DEUTERONOMI 28:15

“Hynrei lada phim kohnguh ïa U Trai U Blei jong phi bad phim sumar hok ïa ki hukum bad ki aiñ baroh ba nga ai ha phi mynta ka sngi, kine ki jingtim baroh kin sa ngat ha phi.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

1 SAMUEL 3:11

U Trai u ong ha u, “Shisien ka sngi ngan leh ei ei kaba shyrkhei katta katta ïa ki briew ha Israel ba kita baroh kiba ïohsngew shaphang kata kin lyngngoh.

1 SAMUEL 4:2

Ki Philistia ki tur ïaleh pyrshah bad hadien ka jingïaleh kaba jur ki jop ïa ki Israel bad ki pynïap ha ka madan thma kumba saw hajar ngut ki rangïapom.