1 SAMUEL 31:7 - Khasi CL Bible (BSI)

⁷ Haba ki Israel kiba ha shiliang kata ka them Jesreel bad kiba sha mihngi ka wah Jordan ki ïohsngew ba ka kynhun shipai ki Israel ka la phet ïap bad u Saul bad ki khun shynrang jong u ki la kyllon ïap, ki ruh ki iehnoh noh ïa la ki shnong bad ki phet ïap. Nangta ki Philistia ki wan bad ki shong shnong hangta.

KA BAIBL

⁷ Te haba kita ki rangbah Israel kiba sha shiliang kata ka them, bad kita kiba sha shiliang ka Jordan, ki la ïohi ba kita ki paidïapom ki Israel ki la phet ïap, bad ba la ïap u Saul bad ki khun jong u, ki ruh ki la iehnoh noh ïa la ki shnong, bad ki la phet ïap noh; bad ki Philistia ki la ïawan bad ki la shong shnong ha ki.

1 SAMUEL 31:7 ပူးပေါင်းရင်းမြစ်များ

LEBITIKOS 26:32

Ngan pynjot thiaw ïa ka ri jong phi haduh ba ki nongshun jong phi kiba ïohknieh ïa ka kin da lyngngoh ngaiñ ïa ka jingpynjot.

LEBITIKOS 26:36

“Ngan pynlong ha kito na phi kiba dang sah ha ka jinglongmraw ka jingsheptieng kaba khraw kat haduh ba ka jingriew ka sla dieng ha ka jingbeh ka lyer kan pynher krad ïa phi. Phin her ïap la kumba shah beh ha madan thma, bad phin kyllon haba u nongshun um pat don hajan.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

NONGBISHAR 6:2

Ki Midian ki long kiba kham khlaiñ ban ïa ki Israel, bad ki paid Israel ki rieh ïa lade na ki ha ki krem bad ha kiwei pat ki jaka bashngain ha ki lumrit.

1 SAMUEL 13:6

Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;

1 SAMUEL 13:7

kiwei pat ki jam ïa ka wah Jordan sha ki ri Gad bad Gilead. U Saul u dang don ha Gilgal, bad ki briew kiba bad u ki la khynñiuh da ka jingsheptieng.

1 SAMUEL 31:6

Bad da kumta u Saul, ki khun shynrang jong u lai ngut, bad uta u samla, ki la ïap; baroh ki briew jong u Saul ki ïap ryngkat ha kajuh ka sngi.

1 SAMUEL 31:8

Shi sngi hadien ka thma ki Philistia ki leit ban lute na ki metïap, ki lap ïa ki metïap jong u Saul bad ki khun shynrang jong u lai ngut ba ki thiah ïap ha Lum Gilboa.