1 SAMUEL 31:12 - Khasi CL Bible (BSI)

¹² baroh ki riewshlur ki leit bad ki ïaid baroh shi miet sha Beth Shan. Ki shim noh ïa ki met jong u Saul bad jong ki khun shynrang jong u na kata ka kynroh, ki wallam pat ïa ki sha Jabesh, bad ki thang ïa ki hangta.

KA BAIBL

¹² ki rangbah badonbor baroh ki la ïaïeng, bad ki la ïaid baroh shi miet, bad ki la shim noh ïa ka met u Saul bad ïa ki met ki khun jong u na kata ka kynroh ka Beth-shan; bad haba ki la wan poi sha Jabesh, ki la thang ïa ki hangta.

1 SAMUEL 31:12 ပူးပေါင်းရင်းမြစ်များ

1 KHRONIKL 10:12

ki rangbah bashlur tam ki leit bad shim ïa ki metïap jong u Saul bad jong ki khun jong u, bad ki wanrah ïa ki sha Jabesh. Ki tep ïa ki hangta hapoh u dieng Sning, bad ki shahjingit hynñiew sngi lynter.

2 KHRONIKL 16:14

bad la tep ha ka jingtep mawsiang ïa kaba u la shna na ka bynta ïa lade ha ka nongbah u Dabid. Ki la pyndonkam ki musla bad ki umphniang iwbih ban pynkhreh ïa ka met jong u na ka bynta ka jingontep, bad ki la tei ïa ka ding kaba khraw ban leh sngewsih ïa ka jingïap jong u.

JEREMAÏAH 34:5

Men ïap ha kaba suk, bad kumba ki briew ki thang jingiwbih haba ki tep ïa ki kpa tymmen jong me, kiba long ki syiem ha shuwa jong me, ha kajuh ka rukom kin thang ki jingiwbih na ka bynta jong me. Kin ïambriew namar jong me bad kin ong, ‘U syiem jong ngi u la ïap!’ Ma nga, U Trai, nga la kren.”

AMOS 6:10

U ba-ha-ïing jong u briew uba ïap, uta uba dei khmih ïa ka jingleit ontep, un sei shabar ïa ka metïap na ka ïing. Uba ha ïing un khot ïa uno uno ba dang sah hapoh ïing, “Dang don mano mano bad phi hangto?” Ka sur kan jubab, “Em!” nangta u ba-ha-ïing un sa ong, “Sngap jar! Ngi dei ban sumar wat ban ym ong ei ei ïa ka kyrteng U Trai.”

1 SAMUEL 31:10

Nangta ki buh ïa ki tiar ïapom jong u ha ka ïing mane jong ka blei Astarte, bad ki sahnar ïa ka met jong u ha ka kynroh jong ka nongbah Beth Shan.